ന്യൂദല്ഹി : പിണറായി വിജയന്റെ മകള് വീണാ വിജയനെതിരായ ഹവാല ഇടപാട് വിഷയം സംസ്ഥാന ആഭ്യന്തരവകുപ്പിന് മുന്നില് വന്നിട്ടില്ലെന്ന് ആഭ്യന്തര മന്ത്രി രമേശ് ചെന്നിത്തല. നിയമം നിയമത്തിന്റെ വഴിക്ക് പോകുമെന്ന് ചെന്നിത്തല ദല്ഹിയില് മാധ്യമ പ്രവര്ത്തകരോടു പറഞ്ഞു.
അതേസമയം സംസ്ഥാനസര്ക്കാരിന് ഇക്കാര്യത്തില് ഒന്നും ചെയ്യാനില്ലെന്ന നിലപാടാണ് ആഭ്യന്തരമന്ത്രി പരോക്ഷമായി സ്വീകരിക്കുന്നത്. കരിമണല് കര്ത്തയുടെ മാസപ്പടി പട്ടികയില് കോണ്ഗ്രസ് നേതാക്കളുടെയും പേരുകളുണ്ടെന്നതിനാല് സംസ്ഥാന സര്ക്കാര് വലിയ കരുതലോടെയാണ് വിഷയത്തെ കാണുന്നത്. ഇഡിയുടെ അന്വേഷണം തങ്ങളിലേക്കു നീളുമോ എന്ന ആശങ്ക മന്ത്രിപദവിയിലിരിക്കുന്നവര്ക്കിടയില് പോലുമുണ്ട്. ഈ വിഷയത്തില് ഇടതു പക്ഷത്തെപ്പോലും പരിധിവിട്ട് പ്രകോപിപ്പിക്കാതുള്ള നിലപാടാണ് കോണ്ഗ്രസ് നേതാക്കളുടേത്.
