ന്യൂദല്ഹി: രാഷ്ട്രീയനേതാവായ സുബ്രഹ്മണ്യം സ്വാമി തിങ്കളാഴ്ച പങ്കുവെച്ച ഒരു സന്ദേശം സമൂഹമാധ്യമങ്ങളില് വലിയ കോളിളക്കം സൃഷ്ടിച്ചു. സുഹാസിനി സ്വാമി എന്ന് മകളുടെ പുതിയ പേരാണ് സമൂഹമാധ്യമങ്ങളില് വലിയ ചര്ച്ചകള്ക്ക് വഴിയൊരുക്കിയത്.
From Swamy to Haider
From Haider to SwamyLooks like Subramanian Swamy just dropped a cryptic message here that all is not well in his daughter's marriage. pic.twitter.com/htdWgRcmFr
— Ghazal Thakur (@GhazalThakur) August 17, 2026
സുബ്രഹ്മണ്യം സ്വാമിയുടെ മകള് സുഹാസിനി വിവാഹം കഴിച്ചത് മുസ്ലിമിനെയാണ്. ഐഎഎസ് ഉദ്യോഗസ്ഥനായ നസീം ഹൈദര് ആണ് സുഹാസിനിയുടെ ഭര്ത്താവ്. ഹിന്ദു ദിനപത്രത്തില് പത്രപ്രവര്ത്തകയാണ് സുഹാസിനി ഹൈദര്. പ്രസിദ്ധ പത്രപ്രവര്ത്തകയായ മകളുടെ പേര് സുഹാസിനി ഹൈദര് എന്നതിന് പകരം സുബ്രഹ്മണ്യം സ്വാമി എന്തുകൊണ്ടാണ് സുഹാസിനി സ്വാമി എന്നാക്കി മാറ്റിയത് എന്നതാണ് അഭ്യൂഹങ്ങള്ക്ക് വഴിവെച്ചത്. പലപ്പോഴും ഈ വിവാഹബന്ധത്തെക്കുറിച്ച് ഗോസിപ്പുകള് വരാറുണ്ടെങ്കിലും വിവാഹമോചനത്തെക്കുറിച്ചൊന്നും ഇതുവരെയും ചര്ച്ചയായിട്ടില്ല.
ഇപ്പോള് രാഷ്ട്രീയ നിരീക്ഷകയായ ഗസല് താക്കൂറാണ് ഇത്തരമൊരു അഭ്യൂഹം പങ്കുവെച്ചത്. “ആദ്യം സ്വാമിയില് നിന്നും ഹൈദറിലേക്ക്…ഇപ്പോള് ഹൈദറില് നിന്നും സ്വാമിയിലേക്ക്. മകളുടെ വിവാഹബന്ധം ശരിയല്ലെന്ന സൂചന നല്കുന്ന ഗൂഢസന്ദേശമാണ് സുബ്രഹ്മണ്യം സ്വാമി പങ്കുവെച്ചിരിക്കുന്നത്.”- ഇതായിരുന്നു ഗസല് താക്കൂറിന്റെ പോസ്റ്റ്. അല്ലാതെ എന്തിനാണ് മകളുടെ പേര് സുഹാസിനി ഹൈദര് എന്നതിന് പകരം സുഹാസിനി സ്വാമി എന്ന് സുബ്രഹ്മണ്യം സ്വാമി തന്നെ എഴുതി എന്ന ചോദ്യമാണ് ഉയരുന്നത്.
