തിരുവനന്തപുരം: നേമം നിയോജകമണ്ഡലത്തില് എംഎല്എ ആയതിന് ശേഷമുള്ള ആദ്യത്തെ ഓണം ജനങ്ങളോടൊപ്പം ആഘോഷിച്ച് രാജീവ് ചന്ദ്രശേഖര് എംഎല്എ. നേമത്തോണം എന്ന പേരില് സംഘടിപ്പിച്ച പരിപാടിയില് ഓണക്കോടികളും ഓണക്കിറ്റുകളും മറ്റ് അവശ്യസാധനങ്ങളും വിതരണം ചെയ്തു.
മണ്ഡലത്തില് ഓണം ആഘോഷിക്കാത്ത ഒരു വീടും ഉണ്ടാകരുതെന്നും ജനങ്ങളുടെ എന്ത് പ്രശ്നങ്ങള്ക്കും എംഎല്എ ഓഫീസ് 24 മണിക്കൂറും തുറന്നിരിക്കുമെന്നും രാജീവ് ചന്ദ്രശേഖര് വ്യക്തമാക്കി. മണ്ഡലത്തിലെ 130 അര്ബുദ രോഗികള്ക്കും ഹരിതകര്മസേനാംഗങ്ങള്ക്കും ഓണക്കോടികളും ഓണക്കിറ്റുകളും വിതരണം ചെയ്തു. 22 വാര്ഡുകളില് വീല്ചെയറുകളും, വാക്കിങ് സ്റ്റിക്കുകളും, കാഴ്ചപരിമിതര്ക്കുള്ള വൈറ്റ് കെയ്നുകളും കൈമാറി. 22 എല്പി, യുപി സ്കൂളുകളിലേക്ക് കായിക ഉപകരണങ്ങളടങ്ങിയ സ്പോര്ട്സ് കിറ്റുകളും വിതരണം ചെയ്തു. എംഎല്എ ഓഫീസ് ഉദ്ഘാടന ദിവസം ലാപ്ടോപ് ആവശ്യപ്പെട്ട് കത്ത് നല്കിയ രണ്ട് പ്ലസ്ടു വിദ്യാര്ത്ഥിനികള്ക്കുള്ള ലാപ്ടോപ്പുകളും ചടങ്ങില് വെച്ച് കൈമാറി.
കൗണ്സിലര് പാപ്പനംകോട് സജി അധ്യക്ഷത വഹിച്ച ചടങ്ങില് സംസ്ഥാന ജനറല് സെക്രട്ടറി അഡ്വ. എസ്. സുരേഷ്, സിറ്റി ജില്ലാ അധ്യക്ഷന് കരമന ജയന്, മേയര് വി.വി. രാജേഷ്, ഡെപ്യൂട്ടി മേയര് ആശാനാഥ് ജി.എസ്., കോര്പറേഷന് സ്ഥിരിം സമിതി അധ്യക്ഷന്മാരായ എം.ആര്. ഗോപന്, കരമന അജിത്ത്, മഞ്ജു ജി.എസ്., സത്യവതി വി., ബിജെപി ആറ്റുകാല് മണ്ഡലം പ്രസിഡന്റ് കോളിയൂര് രാജേഷ്, നേമം മണ്ഡലം പ്രസിഡന്റ് കരുമം രാജേഷ്, യുവമോര്ച്ച സംസ്ഥാന ജനറല് സെക്രട്ടറി ഗോകുല് ഗോപിനാഥ്, ബിജെപി സിറ്റി ജില്ല ട്രഷറര് കൃഷ്ണകുമാര്, നേമം നിയോജക മണ്ഡലത്തിലെ എല്ലാം കൗണ്സിലര്മാരും പങ്കെടുത്തു.
