ന്യൂദല്ഹി: സ്വാതന്ത്ര്യദിനത്തില് കോണ്ഗ്രസ് ആസ്ഥാനത്ത് വന്ദേമാതരം പൂര്ണ്ണമായി ആലപിക്കുന്നത് തടയാന് ശ്രമിച്ച കോണ്ഗ്രസ് പാര്ലമെന്ററി പാര്ട്ടി അദ്ധ്യക്ഷ സോണിയ ഗാന്ധിക്കെതിരെ ദല്ഹിയിലും കര്ണാടകയിലും ബിജെപി പരാതികള് സമര്പ്പിച്ചു. സോണിയയുടെ നിയമവിരുദ്ധമായ നടപടിയില് എഫ്ഐആര് രജിസ്റ്റര് ചെയ്ത് അന്വേഷണം നടത്തണമെന്ന് ആവശ്യപ്പെട്ട് ദല്ഹി പോലീസിലും കര്ണാടകയിലെ ഉര്വ പോലീസ് സ്റ്റേഷനിലുമാണ് ബിജെപി നേതാക്കള് പരാതി നല്കിയത്.
‘ഞങ്ങള് വന്ദേമാതരം പാടുന്നില്ല’ എന്ന രാഹുല് ഗാന്ധിയുടേതായുള്ള ഒരു വീഡിയോയെക്കുറിച്ചും പരാതിയില് പരാമര്ശമുണ്ട്. വന്ദേമാതരം ആലപിക്കുന്നതിനിടെ മുതിര്ന്ന കോണ്ഗ്രസ് നേതാക്കളുടെ ഭാഗത്തുനിന്നുണ്ടായ പെരുമാറ്റം കടുത്ത അനാദരവാണെന്ന് പരാതിയില് ചൂണ്ടിക്കാട്ടുന്നു.
