ഭുവനേശ്വര്: കൊല്ക്കത്തയിലേക്കുള്ള ഇന്ഡിഗോ വിമാനം റദ്ദാക്കിയതില് പ്രതിഷേധിച്ച് സ്ത്രീ യാത്രക്കാരി ഭുവനേശ്വറിലെ ബിജു പട്നായിക് അന്താരാഷ്ട്ര വിമാനത്താവളത്തിനു കേടുപാടു വരുത്തി. 49,000 രൂപയുടെ നാശനഷ്ടമുണ്ടായെന്ന് അധികൃതര് എയര്ഫീല്ഡ് പോലീസ് സ്റ്റേഷനില് നല്കിയ പരാതില് പറയുന്നു. മമോണി ഖരത് എന്ന യാത്രക്കാരിയാണ് പ്രകോപിതയായത്. സിഐഎസ്എഫ്, എയര്പോര്ട്ട് ഉദ്യോഗസ്ഥര് ഇടപെട്ടാണ് യാത്രക്കാരിയെ ശാന്തയാക്കിയത്. ഇവര് ബഹളംവയ്ക്കുന്ന വീഡിയോ സോഷ്യല് മീഡിയയില് പെട്ടെന്ന് വൈറലായി. മോശം പെരുമാറ്റം, വിമാനത്താവളത്തിന് കേടുപാടുകള് വരുത്തല് എന്നീ കുറ്റങ്ങള് ചുമത്തി ഇവര്ക്കെതിരെ കേസെടുത്തിട്ടുണ്ട്.
അതേസമയം പുറപ്പെടും മുന്പുള്ള പരിശോധനയ്ക്കിടെ സാങ്കേതിക തകരാര് കണ്ടെത്തുകയും വിമാനം റദ്ദാക്കുകയുമായിരുന്നുവെന്ന് അധികൃതര് വ്യക്തമാക്കി. യാത്രക്കാര്ക്കുണ്ടായ അസൗകര്യത്തില് ഇന്ഡിഗോ ഖേദം പ്രകടിപ്പിക്കുകയും മുഴുവന് റീഫണ്ടും വാഗ്ദാനം ചെയ്യുകയും ചെയ്തു.
വിമാനം റദ്ദാക്കി, യാത്രക്കാരി പ്രകോപിതയായി, വീഡിയോ വൈറലായതിനു പിന്നാലെ കേസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.