ഢെറാഡൂണ്‍: ഉത്തരാഖണ്ഡിലെ ചാമോലിയില്‍ തുരങ്കം തകര്‍ന്ന് അപകടം. മായാപൂരിലെ നിര്‍മ്മാണത്തിലിരുന്ന തുരങ്കത്തിലേക്ക് അവശിഷ്ടങ്ങളും വെള്ളവും ഇരച്ചുകയറി തൊഴിലാളികളടക്കം കുടുങ്ങി. വ്യാഴാഴ്ച വൈകിട്ടോടെയാണ് അപകടം ഉണ്ടായത്. അപകടമുണ്ടാകുമ്പോള്‍ 18 മുതല്‍ 19 വരെ തൊഴിലാളികള്‍ ഉള്ളിലുണ്ടായിരുന്നുവെന്നാണ് വിവരം.
തെരച്ചില്‍-രക്ഷാപ്രവര്‍ത്തനങ്ങള്‍ നടക്കുന്നു. ഇതുവരെ 16 തൊഴിലാളികളെ രക്ഷപ്പെടുത്തി.
ടിഎച്ച്ഡിസി ജലവൈദ്യുത പദ്ധതിക്കായി നിര്‍, മ്മിക്കുന്ന തുരങ്കമാണിത്. കുടുങ്ങിക്കിടക്കുന്നവരെ രക്ഷിക്കാനായി എന്‍ഡിആര്‍എഫ് , എസ്ഡിആര്‍എഫ് സംഘങ്ങളും സ്ഥലത്തുണ്ട്. ഏതാനും മണിക്കൂറുകള്‍ക്കുള്ളില്‍ എല്ലാവരെയും രക്ഷപ്പെടുത്താന്‍ കഴിയുമെന്നാണ് കരുതുന്നത്.
സംഭവത്തില്‍ ഉത്തരാഖണ്ഡ് മുഖ്യമന്ത്രി പുഷ്‌കര്‍ സിംഗ് ധാമി ആശങ്ക പ്രകടിപ്പിച്ചു.യുദ്ധകാലാടിസ്ഥാനത്തില്‍ രക്ഷാപ്രവര്‍ത്തനം നടത്താന്‍ അധികൃതര്‍ക്ക് നിര്‍ദേശം നല്‍കി.
