ന്യൂദല്ഹി: പ്രതിഷേധസമരങ്ങളിലും പണിമുടക്കുകളിലും അവശ്യ സേവനങ്ങള് തടസ്സപ്പെടുന്നതിനെതിരായ ഹര്ജി സുപ്രീം കോടതി തിങ്കളാഴ്ച പരിഗണിക്കാന് മാറ്റി. സമരങ്ങള്ക്കും റാലികള്ക്കും പ്രത്യേക സ്ഥലങ്ങള് നിശ്ചയിക്കണമെന്നാശ്യപ്പെട്ടുള്ള മറ്റൊരു ഹര്ജി കോടതിയില് നിലവിലുണ്ട്. അതിനൊപ്പം ഈ ഹര്ജിയും പരിഗണിക്കും.
ഈ വിഷയത്തില് വിശദമായ വാദം കേട്ട ശേഷമേ വിധി പുറപ്പെടുവിക്കാന് കഴിയൂവെന്ന് ചീഫ് ജസ്റ്റിസ് സൂര്യകാന്ത് , ജസ്റ്റിസ് ജോയ്മല്യ ബാഗ്ചി , വി മോഹന എന്നിവരടങ്ങിയ ബെഞ്ച് പറഞ്ഞു.
ദല്ഹിയിലെ ജന്തര് മന്ദര് റോഡ് പ്രതിഷേധങ്ങള്ക്ക് വേദിയാക്കുന്നതിനെതിരെയുള്ള മറ്റൊരു ഹര്ജിയില് നിര്ദ്ദേശങ്ങള് സമര്പ്പിക്കാന് സോളിസിറ്റര് ജനറല് തുഷാര് മേത്തയോട് കോടതി ആവശ്യപ്പെട്ടിരുന്നു.
