തിരുവനന്തപുരം: യൂണിഫോമിനായി സഹപ്രവര്ത്തകരില് നിന്ന് പണം തട്ടിയ കേസില് കെഎപി മൂന്നാം ബറ്റാലിയനിലെ പൊലീസ് ട്രെയിനി ശംഭു ആര്. കൃഷ്ണനെതിരെ നടപടി. ഇയാളെ പരിശീലനത്തില് നിന്ന് ഒഴിവാക്കി.
ഏഴ് ലക്ഷം രൂപയാണ് ഇയാള് സഹപ്രവര്ത്തകരില് നിന്നും തട്ടിയത്. ക്യാമ്പിലെ യൂണിഫോം കമ്മിറ്റി അംഗമായിരുന്ന ശംഭു ആര്. കൃഷ്ണന്റെ അക്കൗണ്ടിലേക്കാണ് സഹപ്രവര്ത്തകര് പണം കൈമാറിയത്. എന്നാല് ഈ പണം ഉപയോഗിച്ച് യൂണിഫോം വാങ്ങുന്നതിന് പകരം ഓണ്ലൈന് ഗെയിം കളിച്ച് മുഴുവന് തുകയും നഷ്ടപ്പെടുത്തി.
യൂണിഫോം ലഭിക്കാതായതോടെ സഹപ്രവര്ത്തകര് കാര്യം അന്വേഷിച്ചപ്പോഴാണ് പണം ഓണ്ലൈന് ഗെയിംഗില് നഷ്ടപ്പെട്ടെന്ന് ഇയാള് വെളിപ്പെടുത്തിയത്. സഹപ്രവര്ത്തകരുടെ പരാതിയെ തുടര്ന്ന് തിരുവനന്തപുരത്ത് പരിശീലനം നടക്കുകയായിരുന്ന ക്യാമ്പില് നിന്നുമാണ് പേരൂര്ക്കട പൊലീസ് ഇയാളെ കസ്റ്റഡിയിലെടുത്ത് അറസ്റ്റ് രേഖപ്പെടുത്തിയത്.
