പുതുച്ചേരി: രാജ്യത്തെ സേനയ്ക്ക് നല്കുന്ന പരമോന്നത ബഹുമതിയായ പ്രസിഡന്റ്സ് കളേഴ്സ് പുതുച്ചേരി പോലീസിന് കേന്ദ്ര ആഭ്യന്തര മന്ത്രി അമിത്ഷാ സമ്മാനിച്ചു. ദക്ഷിണേന്ത്യയുടെ ആത്മീയവും സാംസ്കാരികവുമായ ചൈതന്യത്തിന്റെ ജീവിക്കുന്ന പ്രതീകമാണ് പുതുച്ചേരിയെന്ന് അമിത് ഷാ പറഞ്ഞു. പ്രസിഡന്റ്സ് കളേഴ്സ് ലഭിച്ച രാജ്യത്തെ പോലീസ് സേനകളുടെ നിരയിലേക്ക് പുതുച്ചേരിയും ഉയര്ന്നിരിക്കുകയാണ്. പുതുച്ചേരി പോലീസിന് പ്രസിഡന്റ്സ് കളേഴ്സ് ലഭിച്ചത് സേനയുടെ ധീരതയ്ക്കും കഠിനാധ്വാനത്തിനും അര്പ്പണബോധത്തിനുമുള്ള അംഗീകാരമാണെന്നും അദ്ദേഹം കൂട്ടിച്ചേര്ത്തു.
1950 മുതല് 2014 വരെയുള്ള കാലയളവില് പുതുച്ചേരിയുടെ വികസന പ്രവര്ത്തനങ്ങള്ക്കായി കേന്ദ്ര സര്ക്കാര് 3,500 കോടി രൂപ മാത്രമാണ് നല്കിയത്. എന്നാല് നരേന്ദ്രമോദി സര്ക്കാര് 2014-നും 2026-നും ഇടയില് പുതുച്ചേരിയുടെ വികസനത്തിനായി 13,762 കോടി രൂപ അനുവദിച്ചു. ഇത് മുന്പ് നല്കിയ തുകയേക്കാള് നാലിരട്ടിയാണ്.
കഴിഞ്ഞ ഒമ്പത് വര്ഷത്തിനിടെ 39,000 കോടി രൂപയുടെ വ്യവസായ നിക്ഷേപങ്ങള് പുതുച്ചേരിയില് കൊണ്ടുവരാന് കേന്ദ്രഗവണ്മെന്റിന് സാധിച്ചു. പുതുച്ചേരിയുടെ വികസനത്തിന് കേന്ദ്ര ഗവണ്മെന്റ് സദാ പ്രതിജ്ഞാബദ്ധമാണെന്നും അമ്തിഷാ പറഞ്ഞു. പുതുച്ചേരി ലെഫ്റ്റനന്റ് ഗവര്ണര് കെ. കൈലാസനാഥന്, പുതുച്ചേരി മുഖ്യമന്ത്രി എന്. രംഗസാമി, ഡിജിപി ശാലിനി സിങ് തുടങ്ങിയവരും പങ്കെടുത്തു.
