കണ്ണൂര്‍: നിരന്തരം വെല്ലുവിളിക്കുന്ന ക്വട്ടേഷന്‍ ഗുണ്ട അര്‍ജുന്‍ ആയങ്കിയെ കണ്ടെത്താന്‍ പൊലീസ് നെട്ടോട്ടമോടുമ്പോള്‍ ഇയാള്‍ ഉപയോഗിച്ച കാര്‍ വളപട്ടണം പൊലീസ് കസ്റ്റഡിയിലെടുത്തു. വളപട്ടണത്തെ ഒരു വീട്ടില്‍ പാര്‍ക്ക് ചെയ്തിരിക്കുകയായിരുന്നു കാര്‍.
അര്‍ജുന്‍ ആയങ്കിയുടെ ഭാര്യയുടെ പേരിലുള്ള കാറാണിത്. ബുധനാഴ്ച അര്‍ജുന്‍ കണ്ണൂരിലെത്തിയെന്നും എന്നാല്‍ നിലവില്‍ കണ്ണൂര്‍ ജില്ലയ്‌ക്കു പുറത്താണെന്നും അന്വേഷണ സംഘത്തിന് വിവരം ലഭിച്ചതായാണ് അറിയുന്നത്. ഇയാളുമായി അടുത്ത ബന്ധമുള്ള 21 പേരെ വിവിധ സ്ഥലങ്ങളില്‍ നിന്ന് കസ്റ്റഡിയിലെടുത്തിട്ടുണ്ട്.
ഒളിവിലിരിക്കുമ്പോഴും സാമൂഹിക മാധ്യമങ്ങളിലൂടെയുള്ള അര്‍ജുന്‍ ആയങ്കിയുടെ പ്രകോപന ഇടപെടലുകള്‍ തുടരുകയാണ്.കോഴിക്കോട് സിറ്റി പൊലീസ് കമ്മീഷണര്‍ ആരാ മായാവിയോ എന്നാണ് ഫേസ്ബുക്ക് കമന്റിലൂടെ പരിഹാസം. അര്‍ജുനെ പിടിക്കാന്‍ കോഴിക്കോട് കമ്മീഷണര്‍ ഷൗക്കത്തലിയെന്ന വാര്‍ത്തക്കടിയിലാണ് ഷൗക്കത്തലിയെന്താ മായാവിയോ എന്ന് കമന്റിട്ടത്.
അര്‍ജുന്‍ ആയെങ്കിയും ആകാശ് തില്ലെങ്കേരിയും കൊടി സുനിയും പോലുള്ള തീവ്രവാദികള്‍ പൊലീസ് ഏറ്റുമുട്ടലില്‍ കൊല്ലപ്പെട്ടു എന്ന് കേള്‍ക്കാന്‍ ആഗ്രഹിക്കാത്ത മലയാളികള്‍ ഉണ്ടാവില്ല എന്ന കോണ്‍ഗ്രസ് നേതാവും ധീരജ് വധക്കേസിലെ പ്രതിയുമായ നിഖില്‍ പൈലിയുടെ പോസ്റ്റിന് അതേ പോസ്റ്റ് ഷെയര്‍ ചെയ്ത് മറുപടി നല്‍കിയത,് ധീരജിനെ കൊന്ന നീ വെട്ടേറ്റ് മരിച്ചു എന്ന വാര്‍ത്ത കേള്‍ക്കാന്‍ ആഗ്രഹിക്കാത്ത മലയാളികളും ഉണ്ടാവില്ലടാ പൈലി മോനെ’ എന്നാണ്.
ഇതിനിടെ, എടപ്പാളിലെ സ്വകാര്യ റീഹാബിലിറ്റേഷന്‍ സെന്ററിലെ കോഫി ഷോപ്പില്‍ അര്‍ജുന്‍ ആയങ്കി സുഹൃത്തുക്കള്‍ക്കൊപ്പം എത്തുന്ന ദൃശ്യം പുറത്തുവന്നു.സമൂഹമാധ്യമങ്ങളിലൂടെയുള്ള വെല്ലുവിളിയിലും ഭീഷണിയിലും ആലുവ സൈബര്‍ പൊലീസ് അര്‍ജുന്‍ ആയെങ്കിക്കെതിരെ ഒരു കേസ് കൂടി രജ്‌സറ്റര്‍ ചെയ്തു.
സി പി എം ഗുണ്ട ആയിരുന്ന അര്‍ജുന്‍ ആയെങ്കി പിന്നീട് സ്വര്‍ണം പൊട്ടിക്കലിലേക്ക് തിരിയുകയായിരുന്നു
