കാസര്കോട് : ദേശീയപാതയില് മദ്യപിച്ച് വാഹനമോടിച്ച കേസില് പിടിയിലായ ‘ഹെലന് ഓഫ് സ്പാര്ട്ട’ എന്നറിയപ്പെടുന്ന യുട്യൂബര് കാസര്ഗോഡ് പെരുമ്പള രാഗം നിവാസില് എസ്.ആര്. ധന്യയുടെ ഡ്രൈവിംഗ് ലൈസന്സ് മോട്ടോര് വാഹനവകുപ്പ് മൂന്നു മാസത്തേക്ക് സസ്പെന്ഡ് ചെയ്തു. പിഴ ഈടാക്കുകയും ചെയ്തു. നിര്ത്തിയിട്ട കാര് പരിശോധിക്കാന് പൊലീസുകാര് ശ്രമിക്കുന്നതിനിടെ ഇവര് കാര് ഓടിച്ചുപോവുകയായിരുന്നു. തുടര്ന്ന് മറ്റൊരിടത്തുവച്ച് തടഞ്ഞുനിര്ത്തി പരിശോധിച്ചപ്പോള് ധന്യ മദ്യലഹരിയിലായിരുന്നുവെന്ന് വ്യക്തമായി. തുടര്ന്ന് പൊലീസ് ഇവരുടെ വാഹനം കസ്റ്റഡിയിലെടുക്കുകയും കേസ് മോട്ടോര് വാഹനവകുപ്പിനു റഫര് ചെയ്യുകയുമായിരുന്നു.
അതേസമയം മദ്യപിച്ച് വാഹനമോടിച്ചാല് ഏതൊരാള്ക്കും ലഭിക്കുന്ന സാധാരണ ശിക്ഷ മാത്രമാണ് തനിക്കും ലഭിച്ചതെന്നാണ് ഇതേക്കുറിച്ച് ധന്യയുടെ വിശദീകരണം. കാറില് കഞ്ചാവും മറ്റു ലഹരിവസ്തുക്കളുമുണ്ടായിരുന്നുവെന്ന ആരോപണം അവര് നിഷേധിച്ചു. ഒരു ചടങ്ങില് പങ്കെടുത്തുമടങ്ങുകയായിരുന്നുവെന്നും മദ്യപിച്ചിരുന്നുവെന്നത് ശരിയാണെന്നും അവര് പറഞ്ഞു. തെറ്റു പറ്റിപ്പോയെന്നാണ് ധന്യയുടെ കുറ്റസമ്മതം.
‘ഹെലന് ഓഫ് സ്പാര്ട്ട’ ഇനി മൂന്നുമാസം വാഹനമോടിക്കേണ്ട, ലൈസന്സ് സസ്പെന്ഡ് ചെയ്ത് മോട്ടോര് വാഹന വകുപ്പ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.