ന്യൂദല്‍ഹി: മാഗി നൂഡില്‍സില്‍ അനുവദനീയമായ അളവിലും അധികം ലെഡ് അടങ്ങിയിട്ടുണ്ടെന്ന് ഭക്ഷ്യസുരക്ഷാ വിഭാഗത്തിന്‌റെ കണ്ടെത്തലില്‍ നെസ്ലെ ഇന്ത്യ ലിമിറ്റഡിനും വിതരണക്കാര്‍ക്കുമെതിരായ ക്രിമിനല്‍ നടപടികള്‍ ദല്‍ഹി ഹൈക്കോടതി റദ്ദാക്കി.
കോടതിയുടെ മേല്‍നോട്ടത്തില്‍ നടത്തിയ ശാസ്ത്രീയ പരിശോധനയില്‍ ലെഡിന്റെ അളവ് നിശ്ചിത പരിധിക്കുള്ളിലാണെന്ന് വ്യക്തമായെന്നും അതിനാല്‍ കേസുകള്‍ അപ്രസക്തമാണെന്നും ജസ്റ്റിസ് മധു ജെയിന്‍ വ്യക്തമാക്കി.
മാഗി നൂഡില്‍സിന്റെ ഭക്ഷ്യ സുരക്ഷയെക്കുറിച്ച് ആശങ്കകള്‍ ഉയര്‍ന്നതിനെത്തുടര്‍ന്ന് 2015 മെയ് മാസത്തില്‍ ഭക്ഷ്യസുരക്ഷാ അധികൃതര്‍ രാജ്യവ്യാപകമായി സാമ്പിളെടുത്തിരുന്നു. ഇതിന്‌റെ പരിശോധനയില്‍ ടേസ്റ്റ് മേക്കറില്‍ ലെഡിന്റെ അളവ് നിശ്ചിത പരിധിയായ 2.5 പാര്‍ട്‌സ് പെര്‍ മില്യണ്‍ (പിപിഎം) കവിഞ്ഞതായി ഫുഡ് അനലിസ്റ്റ് റിപ്പോര്‍ട്ടു ചെയ്തു. തുടര്‍ന്ന് ഭക്ഷ്യസുരക്ഷാ വകുപ്പ് 2006 ലെ ഭക്ഷ്യസുരക്ഷാ നിലവാര നിയമ പ്രകാരം ക്രിമിനല്‍ കേസെടുക്കുകയായിരുന്നു.
മാഗി നൂഡില്‍സില്‍ ലെഡ് അനുവദനീയമായ അളവില്‍, നെസ്ലെക്കെതിരായ കേസ് ദല്‍ഹി ഹൈക്കോടതി റദ്ദാക്കി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.