ബെംഗളൂരു: ഓണക്കാല യാത്രതിരക്കിന് ആശ്വാസമായി കര്ണാടകയില് നിന്നും കേരളത്തിലേക്കുള്ള 8 സ്പെഷ്യൽ ട്രെയിനുകളുടെ സര്വീസ് സെപ്റ്റംബർ അവസാനം വരെ നീട്ടി റെയില്വേ. യാത്രക്കാരുടെ വർധിച്ച ആവശ്യകത പരിഗണിച്ചാണ് സർവീസ് ദീർഘിപ്പിച്ചത്. ഓണത്തിന് നാട്ടിൽ പോയി മടങ്ങുന്നവർക്ക് ഇത് ഏറെ പ്രയോജനപ്പെടും. ബെംഗളൂരു ഉൾപ്പെടെയുള്ള കർണാടകയിലെ വിവിധ സ്റ്റേഷനുകളിൽ നിന്ന് കേരളത്തിലെ പ്രധാന നഗരങ്ങളിലേക്കുള്ള ഈ പ്രത്യേക ട്രെയിനുകൾക്ക് ഓണക്കാലത്ത് വലിയ തിരക്കാണ് അനുഭവപ്പെടുന്നത്.
സർവീസ് നീട്ടിയവ
ഹുബ്ബള്ളി –കൊല്ലം സ്പെഷ്യൽ (07313)
ഞായറാഴ്ചകളില് സര്വീസ്, സെപ്റ്റംബർ 6 മുതൽ 27 വരെ
കൊല്ലം–ഹുബ്ബള്ളി സ്പെഷ്യൽ (07314)
തിങ്കളാഴ്ചകളില് സര്വീസ്, സെപ്റ്റംബർ 7 മുതൽ 28 വരെ.
എസ്എംവിടി ബെംഗളൂരു–തിരുവനന്തപുരം നോർത്ത് വാരാന്ത്യ സ്പെഷ്യൽ (06523)
തിങ്കളാഴ്ചകളില് സര്വീസ്, സെപ്റ്റംബർ 7 മുതൽ 28 വരെ
തിരുവനന്തപുരം നോർത്ത്–എസ്എംവിടി ബെംഗളൂരു (06524)
ചൊവ്വാഴ്ചകളില് സര്വീസ്, സെപ്റ്റംബർ 8 മുതൽ 29 വരെ.
എസ്എംവിടി ബെംഗളൂരു–തിരുവനന്തപുരം നോർത്ത് സ്പെഷ്യൽ (06547)
ബുധനാഴ്ചകളില് സര്വീസ്, സെപ്റ്റംബർ 2 മുതൽ 23 വരെ.
തിരുവനന്തപുരം നോർത്ത്–എസ്എംവിടി ബെംഗളൂരു (06548)
വ്യാഴാഴ്ചകളില് സര്വീസ്, സെപ്റ്റംബർ 3 മുതൽ 24 വരെ
എസ്എംവിടി ബെംഗളൂരു–തിരുവനന്തപുരം നോർത്ത് സ്പെഷ്യൽ (06555)- വെള്ളിയാഴ്ചകളില് സര്വീസ്, സെപ്റ്റംബർ 4 മുതൽ 25 വരെ
തിരുവനന്തപുരം നോർത്ത് –എസ്എംവിടി ബെംഗളൂരു സ്പെഷ്യൽ (06556)-ഞായറാഴ്ചകളില് സര്വീസ്, സെപ്റ്റംബർ 6 മുതൽ 27 വരെ
