തിരുവനന്തപുരം:എഐ സാങ്കേതികവിദ്യ പ്രയോജനപ്പെടുത്തി കെഎസ്ആര്ടിസിയെ പുതിയ യുഗത്തിലേക്ക് നയിക്കുകയാണ് ലക്ഷ്യമെന്ന് ഗതാഗത മന്ത്രി സി.പി ജോണ്.ജീവനക്കാരുടെ ശമ്പളവും പെന്ഷനും മുടങ്ങാതിരിക്കാന് സര്ക്കാര് നടപടികള് സ്വീകരിച്ചിട്ടുണ്ട്. ഒന്നാം തീയതി തന്നെ ശമ്പളം വിതരണം ചെയ്യുന്ന സംവിധാനം തുടരും. സ്ത്രീകള്ക്കായുള്ള പ്രിയദര്ശിനി പദ്ധതി കൂടുതല് ജനകീയമാകുകയാണ്. പുതിയ എഐ അധിഷ്ഠിത വാട്സ്ആപ്പ് ടിക്കറ്റിംഗ് സംവിധാനത്തിലൂടെ യാത്രക്കാര്ക്ക് എളുത്തില് ടിക്കറ്റ് ബുക്ക് ചെയ്യാനാകുമെന്നും അദ്ദേഹം കൂട്ടിച്ചേര്ത്തു.കെഎസ്ആര്ടിസിയുടെ എഐ അധിഷ്ഠിത വാട്സ്ആപ്പ് ടിക്കറ്റിംഗ് സംവിധാനം, 24 മണിക്കൂറും പ്രവര്ത്തിക്കുന്ന 149 എന്ന ടോള്ഫ്രീ കസ്റ്റമര് കെയര് നമ്പര്, നവീകരിച്ച കൊറിയര് സര്വീസ് എന്നിവ യുടെ ഉദ്ഘാടനം നിര്വഹിച്ച ് സംസാരിക്കുകയായിരുന്നു മന്ത്രി.
9447071021 എന്ന ഔദ്യോഗിക വാട്സ്ആപ്പ് നമ്പറില് സന്ദേശം അയച്ച് കെ എസ് ആര് ടി സി ടിക്കറ്റ് ബുക്ക് ചെയ്യാം.പ്രത്യേക ആപ്പോ രജിസ്ട്രേഷനോ ആവശ്യമില്ല. യാത്രാ മാര്ഗം, തീയതി, സര്വീസ്, സീറ്റ് എന്നിവ തെരഞ്ഞെടുക്കുന്നതും സുരക്ഷിതമായ ഓണ്ലൈന് പേയ്മെന്റ് നടത്തുന്നതും ഉള്പ്പെടെ മുഴുവന് ബുക്കിംഗ് നടപടിക്രമവും വാട്സ്ആപ്പ് ചാറ്റിലൂടെ പൂര്ത്തിയാക്കാം.ബുക്ക് ചെയ്ത് കഴിഞ്ഞ് ഇ-ടിക്കറ്റും പി.എന്.ആര് വിവരങ്ങളും അതേ ചാറ്റില് ലഭ്യമാകും.
