ന്യൂഡൽഹി : രാജ്യവ്യാപകമായി സംഘടന വിപുലീകരിക്കാനുള്ള ശ്രമവുമായി സിജെപി . ഛത്രപതി സംഭാജിനഗറിലാണ് ഇത് സംബന്ധിച്ച യോഗം നടന്നത്. എല്ലാ സംസ്ഥാനങ്ങളിലെയും വിദ്യാർത്ഥി സംഘടനകളുമായി പങ്കാളിത്തം സ്ഥാപിക്കാനാണ് യോഗത്തിൽ തീരുമാനിച്ചത്. എങ്കിലും തിരഞ്ഞെടുപ്പ് രാഷ്ട്രീയത്തിൽ ഇറങ്ങുന്ന കാര്യത്തിൽ പല അംഗങ്ങളും എതിർപ്പ് അറിയിച്ചിട്ടുണ്ട് . വിദ്യാഭ്യാസവുമായി ബന്ധപ്പെട്ട വിഷയങ്ങളിൽ മാത്രം ശ്രദ്ധ കേന്ദ്രീകരിക്കുമെന്നാണ് സൂചന.
ജാർഖണ്ഡ്, ഛത്തീസ്ഗഡ്, മറ്റ് സംസ്ഥാനങ്ങൾ എന്നിവിടങ്ങളിൽ നടന്നുകൊണ്ടിരിക്കുന്ന വിദ്യാർത്ഥി പ്രസ്ഥാനങ്ങളെ പിന്തുണയ്ക്കുന്നതിനെക്കുറിച്ചും യോഗം ചർച്ച ചെയ്തു. മഹാരാഷ്ട്രയ്ക്ക് പുറത്തുള്ള പ്രവർത്തനങ്ങളുടെ ദിശ നിർണ്ണയിക്കുക എന്നതായിരുന്നു യോഗത്തിന്റെ പ്രധാന ലക്ഷ്യമെന്ന് അഭിജീത് ദിപ്കെ പറഞ്ഞു. രാജ്യത്ത് വിദ്യാർത്ഥികൾ തങ്ങളുടെ പ്രശ്നങ്ങൾക്കായി പ്രതിഷേധിക്കുന്നിടത്തെല്ലാം സിജെപി പിന്തുണയ്ക്കുമെന്നും ദീപ്കെ പറഞ്ഞു.
