മലപ്പുറം: പാണക്കാട്ടുണ്ടായ മണ്ണിടിച്ചിലിനിടെ ചെളിയില് വീണ മാധ്യമപ്രവര്ത്തകന് രക്ഷപ്പെടുന്ന ദൃശ്യങ്ങള് പങ്കുവെച്ചുകൊണ്ട് വിവാദ പരാമര്ശം നടത്തിയ വ്ളോഗര് നിസാം ഖേദപ്രകടനവുമായി രംഗത്തുവന്നു. മാധ്യമപ്രവര്ത്തകനെ അവിടെവെച്ച് മണ്ണിട്ട് മൂടണമെന്ന വീഡിയോയിലൂടെയുള്ള ഇയാളുടെ പരാമര്ശം വിവാദമാവുകയും കേരള യൂണിയന് ഓഫ് വര്ക്കിംഗ് ജേണലിസ്റ്റ്സ് ഇതിനെതിരെ ജില്ലാ പോലീസ് മേധാവിക്ക് പരാതി നല്കുകയും ചെയ്തിരുന്നു. തന്റെ ഭാഗത്തുനിന്ന് ഗുരുതരമായ വീഴ്ചയുണ്ടായെന്നും പരാമര്ശം ആരെയെങ്കിലും വേദനിപ്പിച്ചിട്ടുണ്ടെങ്കില് ക്ഷമ ചോദിക്കുന്നുവെന്നും ഇനി ആവര്ത്തിക്കില്ലെന്നും നിസാം പറയുന്നു.
മാധ്യമപ്രവര്ത്തകര്ക്കെതിരെ ആക്രമണത്തിന് ആഹ്വാനം ചെയ്യുന്ന തരത്തിലുള്ള പരാമര്ശം നടത്തിയതിനെതിരെ നിയമനടപടി സ്വീകരിക്കണമെന്ന് ആവശ്യപ്പെട്ടാണ് കേരള യൂണിയന് ഓഫ് വര്ക്കിംഗ് ജേണലിസ്റ്റ്സ് (കെയുഡബ്ള്യുജെ) മലപ്പുറം ജില്ലാ പൊലീസ് മേധാവിക്കാണ് പരാതി നല്കിയത്. ഇതോടെയാണ് നടപടിയില് നിന്ന് രക്ഷ നേടാന് നിസാമിന്റെ മാപ്പപേക്ഷ.
