കൊച്ചി: റോറോ സര്വീസ് നടത്തവെ നിയന്ത്രണംവിട്ട് കടലിലേയ്ക്ക് ഒഴുകി.എന്നാല് പട്രോളിംഗ് നടത്തുകയായിരുന്ന ഫിഷറീസ് മറൈന് എന്ഫോഴ്സ്മെന്റ് ബോട്ടിന്റെ സമയോചിത ഇടപെടല് വന് ദുരന്തം ഒഴിവാക്കി.
ചൊവ്വാഴ്ച വൈകിട്ട് ആറുമണിയോടെയാണ് സംഭവം. വൈപ്പിനില്നിന്ന് ഫോര്ട്ട് കൊച്ചിയിലേക്ക് യാത്രക്കാരും വാഹനങ്ങളുമായി പോകുന്നതിനിടെയാണ് റോറോയുടെ എഞ്ചിന് തകരാറിലായത്. നിയന്ത്രണംവിട്ട് മുന്നൂറ് മീറ്ററോളം സഞ്ചരിച്ച് അഴിമുഖവും കടന്ന് കടലിലേക്ക് പ്രവേശിച്ചപ്പോഴാണ് മറൈന് എന്ഫോഴ്സ്മെന്റിന്റെ ശ്രദ്ധയില്പ്പെട്ടത്.
തുടര്ന്ന് റോറോ ബോട്ടിനെ കെട്ടിവലിച്ച് സുരക്ഷിതമായി കരയ്ക്ക് അടുപ്പിച്ചു. റോറോയിലുണ്ടായിരുന്ന യാത്രക്കാരെയും വാഹനങ്ങളെയും സുരക്ഷിതമായി തിരികെ എത്തിച്ചു. വൈപ്പിന് തീരത്ത് എത്തിച്ച റോറോ കെഎസ്എന്ഐസി ഉദ്യോഗസ്ഥരെത്തി പരിശോധിച്ചപ്പോഴാണ് എഞ്ചിന് തകരാറിലാണെന്ന് കണ്ടെത്തിയത്. തകരാര് പരിഹരിച്ചശേഷം സര്വീസ് പുനരാരംഭിക്കും. അതുവരെ ഒരു റോറോയാകും സര്വീസ് നടത്തുക.
