പത്തനംതിട്ട: നദികളിലെ മണ്ണ് നീക്കം ചെയ്യാന് അടിയന്തര നടപടി ഉണ്ടാകുമെന്ന് വിഡി സതീശന്.സ്ഥിരം ദുരന്തനിവാരണ സംവിധാനം ഉണ്ടാകും.ആദ്യ പദ്ധതി പത്തനംതിട്ടയിലായിരിക്കും നടപ്പാക്കുക.
മറ്റ് ഏജന്സികളെ ചേര്ത്തുള്ള മുന്നറിയിപ്പ് സംവിധാനം ഉണ്ടാവണമെന്നും മുഖ്യമന്ത്രി പറഞ്ഞു.ജില്ലയിലെ പ്രളയബാധിത മേഖലകളില് സന്ദര്ശനം നടത്തിയ ശേഷം മാധ്യമങ്ങളോട് സംസാരിക്കുകയായിരുന്നു മുഖ്യമന്ത്രി വിഡി സതീശന്.
അതിതീവ്ര മഴ ആയിരുന്നു പെയ്തത്. ആളുകളെ മാറ്റാന് പോലും സമയം കിട്ടിയില്ല. വനത്തില് ഉരുള്പൊട്ടല് ഉണ്ടായി.ഇന്ത്യയിലെ ഏറ്റവും മികച്ച ദുരന്തനിവാരണ സംവിധാനം പത്തനംതിട്ട ജില്ലയില് ഉണ്ടാകും. അടുത്ത പ്രളയം വരെ കാത്തിരിക്കുന്നില്ല.കനത്ത മഴയും പ്രളയവും അറിഞ്ഞത് മുതല് എല്ലാ മന്ത്രിമാരെയും ജില്ലകളിലേക്ക് അയച്ചു. പണം അനുവദിച്ചു. സിപിഎം പറയുന്നതനുസരിച്ച് പോകാന് കഴിയില്ലെന്നും മുഖ്യമന്ത്രി കൂട്ടിച്ചേര്ത്തു.വെളളപ്പൊക്കത്തില് നാശനഷ്ടമുണ്ടായ വ്യാപാരികളെ ചേര്ത്ത് നിര്ത്തും.ക്യാമ്പുകളില് കഴിയുന്നവരുമായി സംസാരിച്ചു.
പത്തനംതിട്ടയില് പ്രളയം മൂലം ജനങ്ങള് ദുരിതമനുഭവിക്കെ ഹെലികോപ്റ്ററില് മുഖ്യമന്ത്രി ഭാര്യാപിതാവിനെ കാണാന് പോയത് വിമര്ശനവിധേയമായിരുന്നു.യൂത്ത് ലീഗ് നേതാവിന്റെ വീട്ടില് വിരുന്നിന് പോയതും വിമര്ശനത്തിന് വഴിവെച്ചിരുന്നു.
