ഹൈദരാബാദ്: തിരുപ്പതി ശ്രീ വെങ്കിടേശ്വര ക്ഷേത്രത്തിൽ ദർശനം നടത്തി ഇന്ത്യൻ ക്രിക്കറ്റ് താരം ഹാർദിക് പാണ്ഡ്യയും കാമുകി മഹിക ശർമയും. ഇതിന്റെ ചിത്രങ്ങളും വീഡിയോയും സോഷ്യൽ മീഡിയയിൽ വൈറലായി. തല പൂർണമായും മൊട്ടയടിച്ച ഹാർദിക്കിനെയാണ് ചിത്രങ്ങളിൽ കാണുന്നത്.
ക്ഷേത്രത്തിലെ ഏറ്റവും പ്രധാനപ്പെട്ട ചടങ്ങുകളിലൊന്നായ സുപ്രഭാത സേവയിൽ പങ്കെടുത്ത ശേഷമാണ് ഹാർദിക് വെങ്കിടേശ്വര സ്വാമിയുടെ അനുഗ്രഹം വാങ്ങാനെത്തിയത്. പരിക്കിൽനിന്നുള്ള മോചനത്തിനുശേഷം ക്രിക്കറ്റിലേക്ക് തിരിച്ചുവരാനുള്ള തയ്യാറെടുപ്പിലാണ് താരം. കരിയറിലെ നിർണായക ഘട്ടമായതിനാലാണ് ക്ഷേത്രദർശനം നടത്തിയതെന്നാണ് റിപ്പോർട്ടുകൾ.
