കണ്ണൂര്: ബിഎംഎസ് നേതാവിനെ കൊലപ്പെടുത്തിയ കേസിലെ പ്രതി സി പി എം നിയന്ത്രണത്തിലുളള ബാലസംഘത്തിന്റെ കണ്വീനര്.ബിഎംഎസ് നേതാവ് രാമചന്ദ്രനെ കൊലപ്പെടുത്തിയ കേസിലെ ഒന്നാം പ്രതി ടിസിവി നന്ദകുമാറിനാണ് കണ്ണൂര് പയ്യന്നൂര് വെള്ളൂര് വെസ്റ്റ് വില്ലേജിന്റെ ചുമതല നല്കിയിരിക്കുന്നത്.ബിഎംഎസ് നേതാവ് രാമചന്ദ്രനെ 2016ലാണ് കൊലചെയ്തത്.
പൊലീസിനെ ബോംബെറിഞ്ഞ് കൊലപ്പെടുത്താന് ശ്രമിച്ച കേസില് ശിക്ഷിക്കപ്പെട്ട് നിലവില് ജയിലിലാണ് നന്ദകുമാര്. 20 വര്ഷമാണ് കേസില് കോടതി ശിക്ഷിച്ചത്.
രണ്ട് മാസം മുമ്പ് നടന്ന ഡിവൈഎഫ്ഐ ബ്ലോക്ക് സമ്മേളനത്തില് നന്ദകുമാറിനെ ട്രഷറര് ആക്കിയിരുന്നു.പിന്നാലെയാണ് ബാലസംഘത്തിന്റെ കണ്വീനറായി ചുമതല നല്കിയത്.
കുട്ടികളെ കണ്ടെത്തി ബാലസംഘത്തില് അംഗമാക്കുകയാണ് കണ്വീനറുടെ ചുമതല.
