ന്യൂദല്ഹി: വ്യഭിചാരം തെളിയിക്കപ്പെട്ടാല് വിവാഹമോചനം നേടിയ ഭാര്യക്ക് ജീവനാംശം നല്കേണ്ടതില്ലെന്ന് സുപ്രീം കോടതി. ഭാര്യയ്ക്ക് ഇടക്കാല ജീവനാംശം നല്കുന്നതിനെതിരെ ഭര്ത്താവ് നല്കിയ ഹര്ജിയിലാണ് ഉത്തരവ്.
വ്യഭിചാരത്തില് കഴിയുന്ന ഭാര്യക്ക് ഭര്ത്താവില് നിന്ന് ജീവനാംശം ലഭിക്കുന്നത് സിആര്പിസി സെക്ഷന് സെക്ഷന് 125(4) വിലക്കുന്നു.
വിവാഹശേഷം ദാമ്പത്യ ബന്ധം വഷളാവുകയും ആറു വര്ഷത്തിനുശേഷം ഭാര്യ കുട്ടിയോടൊപ്പം വീട് വിട്ടുപോവുകയും ചെയ്തു. തുടര്ന്ന് അവര് ഉദയ്പൂരിലെ കോടതിയെ സമീപിച്ച് ഇടക്കാല ജീവനാംശം തേടി. ഇതേത്തുടര്ന്നാണ് ഭാര്യ വ്യഭിചാരത്തില് ഏര്പ്പെടുന്നുണ്ടെന്നും അതിനാല് ഇടക്കാല ജീവനാംശത്തിന് അര്ഹതയില്ലെന്നും ആരോപിച്ച് ഭര്ത്താവ് സിആര്പിസി സെക്ഷന് 125(4) പ്രകാരം ഹര്ജി നല്കിയത്. തന്റെ വാദത്തിനു പിന്ബലമായി ഭര്ത്താവ് ഫോട്ടോകളും ഇലക്ട്രോണിക് തെളിവുകളും ഹാജരാക്കുകയും ചെയ്തു.
