ചെന്നൈ: ഒരു എഞ്ചിനുള്ളില് തുടര്ച്ചായി സ്ഫോടനം നടക്കുന്നു. അതില് നിന്നും ഉണ്ടാകുന്ന ശക്തമായ മര്ദ്ദത്തിന് റോക്കറ്റിനെയോ മിസൈലിനെയോ മുന്നിലേക്ക് ശക്തിയോടെ കുതിപ്പിക്കാന് കഴിയും. ഇതാണ് പ്രതിരോധരംഗത്ത് ചര്ച്ചാവിഷയമായിക്കൊണ്ടിരിക്കുന്ന ഏറ്റവും പുതിയ ആര്ഡിഇ ടെക്നോളജി. അഥവാ റൊറ്റേറ്റിംഗ് ഡിറ്റൊനേഷന് എഞ്ചിന് (ആര്ഡിഇ). എന്ന ഏറ്റവും പുതിയ പ്രതിരോധ സാങ്കേതികവിദ്യ.
ഭാവിയിലെ ക്രൂയിസ് മിസൈലുകള്, അതിവേഗ ഡ്രോണുകള്, ബഹിരാകാശ വാഹനങ്ങള് മുതല് ചില ഹൈപ്പര്സോണിക് സംവിധാനങ്ങളെ വരെ മാറ്റിമറിക്കാന് പോകുന്ന സാങ്കേതിക വിദ്യയായിട്ടാണ് ലോകം ഇതിനെ കാണുന്നത്. ഇപ്പോഴിതാ ഇന്ത്യയും ഈ സാങ്കേതിക രംഗത്തേക്ക് ചുവടുവെച്ചിരിക്കുന്നു. ഐഐടി മദ്രാസില് ആരംഭം കുറിച്ച ഡി-പ്രൊപള്സ് എന്ന സ്റ്റാര്ട്ടപ്പ് കമ്പനിയാണ് ഈ പുതിയ സാങ്കേതിക വിദ്യയില് വലിയ നേട്ടം കൊയ്തിരിക്കുന്നത്. അതെ, പ്രതിരോധരംഗത്ത് കുതിപ്പുണ്ടാക്കാന് സ്റ്റാര്ട്ടപ്പുകളെ ഉപയോഗിക്കുക എന്ന മോദിയുടെ തന്ത്രം ഫലം കാണുന്നതിന്റെ മറ്റൊരു ഉദാഹരണം മാത്രമാണിത്. ഈയിടെ ബരിഹാകാശത്തേക്ക് റോക്കറ്റ് വിക്ഷേപിച്ച അഗ്നികൂള് എന്ന കമ്പനി മറ്റൊരു സ്റ്റാര്ട്ടപ് കമ്പനി ആണ്.
എന്താണ് റൊട്ടേറ്റിംഗ് ഡിറ്റൊനേഷന് എഞ്ചിന്?
നിയന്ത്രണത്തോടു കൂടി നടത്തുന്ന ഒരു സ്ഫോടനതരംഗം എഞ്ചിനുള്ളിലെ അറയില് അതിവേഗം ചുറ്റിക്കൊണ്ടിരിക്കും. അതില് നിന്നുണ്ടാകുന്ന വലിയ മര്ദ്ദം മിസൈലിനെയോ വിമാനങ്ങളെയോ റോക്കറ്റിനെയോ മുന്നോട്ട് കുതിപ്പിക്കും. ഭാവിയിലെ ക്രൂയിസ് മിസൈലുകള്, അതിവേഗ ഡ്രോണുകള്, ബഹിരാകാശ വാഹനങ്ങള്, ചില ഹൈപ്പര്സോണിക് സംവിധാനങ്ങളെ വരെ മാറ്റിമറിക്കാന് പോകുന്ന സാങ്കേതിക വിദ്യയായിട്ടാണ് ലോകം ഇതിനെ കാണുന്നത്. ഇപ്പോള് ഇന്ത്യയും ഈ മത്സരത്തിലേക്ക് ഡി പ്രൊപ്പല്സ് എന്ന മദ്രാസ് ഐഐടിയില് പ്രവര്ത്തിക്കുന്ന സ്റ്റാര്ട്ടപ് കമ്പനിയാണ് ഈ സാങ്കേതികവിദ്യയില് നിര്ണ്ണായകമുന്നേറ്റം നടത്തിയത്. അഞ്ച് കെഎന് (അഞ്ച് കിലോ ന്യൂട്ടണ്) കരുത്തുള്ള ആര്ഡിഇ എഞ്ചിനാണ് ഡി-പ്രൊപ്പല്സ് നിര്മ്മിച്ചിരിക്കുന്നത്. സ്ഫോടനപരമ്പരയിലൂടെ ഉണ്ടാകുന്ന ഊര്ജ്ജതരംഗം അതിവേഗം റോക്കറ്റുകളെ ചലിപ്പിക്കുമെന്നതാണ് സവിശേഷത. ഭാരിയില് ഇന്ത്യയ്ക്ക് ശക്തമായ ആര്ഡി എഞ്ചിന് ഉണ്ടായാല് കൂടുതല് വേഗതയില് കുതിക്കുന്ന ഡ്രോണുകളെയും റോക്കറ്റുകളെയും സൃഷ്ടിക്കാന് കഴിയും. എന്നിടത്താണ് ഡി-പ്രൊപള്സ് കമ്പനിയുടെ ഭാവി ഇരിക്കുന്നത്.
പുതുതായി വികസിപ്പിച്ച ഈ ആര്ഡിഇ എഞ്ചിനില് ഇന്ധനം സ്ഫോടനത്തോടെയാണ് കത്തുന്നത്. ഇതില് നിന്നുണ്ടാകുന്ന സ്ഫോടനതരംഗം ശബ്ദത്തേക്കാള് വേഗതയിലുള്ളതാണ്. ഇങ്ങിനെ ഒരു എഞ്ചിനുള്ളില് നിയന്ത്രിത സ്ഫോടനങ്ങള് സൃഷ്ടിച്ച് അതേ ഇന്ധനത്തില് നിന്നും കൂടുതല് ഊര്ജ്ജമുക്കാന് സാധിക്കും.ഈ ഊര്ജ്ജമുപയോഗിച്ച് വിമാനങ്ങള്ക്കോ റോക്കറ്റുകള്ക്കോ കുതിക്കാന് കഴിയും. ഒരു സെക്കന്റിനുള്ളില് ആയിരക്കണക്കിന് സ്ഫോടനങ്ങള് സൃഷ്ടിച്ച് അതില് നിന്നുണ്ടാകുന്ന സ്ഫോടന തരംഗങ്ങള്ക്ക് വലിയ ഊര്ജ്ജം സൃഷ്ടിക്കാന് സാധിക്കും. ഈ ഊര്ജ്ജം ഉപയോഗിച്ച് കൂടുതല് വേഗതയില് കുതിക്കുന്ന ഡ്രോണുകളെയും റോക്കറ്റുകളേയും സൃഷ്ടിക്കാന് കഴിയുമെന്നാണ് നേട്ടം. എന്തായാലും ഇക്കാര്യത്തില് പ്രതിരോധ മന്ത്രാലയം ഡി-പ്രൊപ്പള്സ് എന്ന ഈ സ്റ്റാര്ട്ടപ്പ് കമ്പനിയെ ഉറ്റുനോക്കുകാണ്.
