തിരുവനന്തപുരം: കര്ക്കടക വാവുബലിതര്പ്പണത്തോടനുബന്ധിച്ച് മദ്യനിരോധനം ഏര്പ്പെടുത്തി.തിരുവനന്തപുരം കോര്പ്പറേഷന് പരിധിയിലെയും വര്ക്കല മുനിസിപ്പാലിറ്റി പരിധിയിലെയും അരുവിക്കര, പെരുങ്കടവിള ഗ്രാമപഞ്ചായത്ത് പരിധിയിലെയും എല്ലാ മദ്യവില്പ്പനശാലകളുടെയും പ്രവര്ത്തനം നിരോധിച്ചു. ആഗസ്റ്റ് 11 രാത്രി 12 മണി മുതല് ആഗസ്റ്റ് 12 ഉച്ചയ്ക്ക് 2 മണി വരെയാണ് നിരോധനം.
ജില്ലാ മജിസ്ട്രേറ്റ് കൂടിയായ ജില്ലാ കളക്ടര് അനു കുമാരിയാണ് ഉത്തരവ് പുറപ്പെടുവിച്ചത്.
സുരക്ഷ ഉറപ്പുവരുത്തുന്നതിന്റെയും ക്രമസമാധാനപാലനം നിലനിര്ത്തുന്നതിന്റെയും ഭാഗമായാണ് മദ്യനിരോധനം.തിരുവല്ലം പരശുരാമക്ഷേത്രം, വര്ക്കല പാപനാശം കടപ്പുറം, അരുവിക്കര ദേവീക്ഷേത്രം, അരുവിപ്പുറം ശിവക്ഷേത്രം തുടങ്ങിയ സ്ഥലങ്ങളിലും പരിസര പ്രദേശങ്ങളിലും സ്ത്രീകളും കുട്ടികളും ഉള്പ്പെടെ ജനങ്ങള് കൂട്ടമായി എത്തിച്ചേരുന്നത് മുന്നില് കണ്ടാണ് മദ്യനിരോധനം.
