ബെംഗളൂരു:മുഗളന്മാര്ക്കെതിരെ പടനയിച്ച ഛത്രപതി ശിവാജി മഹാരാജായി വേഷമിടാന് റിഷഭ് ഷെട്ടി എത്തുന്നു. ഇതോടെ ചിത്രീകരണം തുടങ്ങും മുന്പേ ‘ദി പ്രൈഡ് ഓഫ് ഭാരത്: ഛത്രപതി ശിവാജി മഹാരാജ്’ {rഎന്ന സിനിമ ചര്ച്ചയായിരിക്കുന്നു.
ഇതില് കര്ണ്ണാടകയിലെ ധീര യോദ്ധാവ് റാണി ബെലവാടി മല്ലമ്മ എന്ന കഥാപാത്രമായി എത്തുന്ന ഭൂമി പെഡ്നെകര് എന്ന നടിയുടെ ആവേശം നിറഞ്ഞ പ്രസ്താവന ഈയിടെ വാര്ത്തയായി. ” മഹാനായ മറാത്ത യോദ്ധാവും രാജാവുമായ ഛത്രപതി ശിവാജി മഹാരാജിന്റെ ജീവിതത്തെയും പൈതൃകത്തെയും കുറിച്ചുള്ള, ചലച്ചിത്ര വിസ്മയത്തിന്റെ ഭാഗമാകാൻ കഴിഞ്ഞതില് തനിക്ക് അതിയായ അഭിമാനം ഉണ്ട്. “. – ഇതായിരുന്നു ഭൂമി പെഡ്നെകറുടെ വാക്കുകള്. കർണാടകയിലെ ധീര യോദ്ധാവ് റാണി ബെലവാടി മല്ലമ്മയെ അവതരിപ്പിക്കാനും അവരെ സ്ക്രീനില് ജീവസുറ്റതാക്കാനും കഴിയുന്നത് ഒരു ആദരവായി ആണ് താൻ കാണുന്നത്.
സന്ദീപ് സിംഗ് സംവിധാനം ചെയ്യുകയും നിർമ്മിക്കുകയും ചെയ്യുന്ന ‘ദി പ്രൈഡ് ഓഫ് ഭാരത്: ഛത്രപതി ശിവാജി മഹാരാജ്’ വമ്പൻ കാൻവാസില് ആണ് ഒരുങ്ങുന്നത്. ഈ ഇതിഹാസ മറാത്ത രാജാവിന്റെ ജീവിതത്തെ ആസ്പദമാക്കി ഇതുവരെ നിർമ്മിച്ചതില് വച്ച് ഏറ്റവും വലിയ സിനിമാറ്റിക് പ്രദർശനങ്ങളിലൊന്നായി ഇത് വിഭാവനം ചെയ്യപ്പെടുന്നു.രണ്ട് ഭാഗങ്ങളുള്ള ഒരു ഇതിഹാസമായി ആസൂത്രണം ചെയ്തിരിക്കുന്ന ഈ സിനിമയുടെ രചന ഋഷി വിർമണിയാണ്. സംഗീതം അമിത് ത്രിവേദി, വരികള് ദേശീയ അവാർഡ് ജേതാവായ ഗാനരചയിതാവ് പ്രസൂണ് ജോഷി.
അർജുൻ രാംപാല്, വിവേക് ഒബ്റോയ് എന്നിവരും, പ്രശസ്തരായ കലാകാരന്മാരുടെ ഒരു സംഘവും തന്നെ അണിനിരക്കുന്നുണ്ട്.
