കോട്ടയം: കടുത്തുരുത്തിയില് വൃദ്ധന് മരിച്ച സംഭവത്തില് വഴിത്തിരിവ്. മാന്നാര് മൂര്ക്കാട്ടില് മാത്യുവിനെ (80)മകന് ചവിട്ടി കൊന്നതാണെന്ന് പൊലീസ്. മകന് എബിയെ പൊലീസ് അറസ്റ്റ് ചെയ്തു.
25ന് മാത്യുവിനെ വീടിനുള്ളില് കട്ടിലില് മരിച്ച നിലയില് കണ്ടെത്തുകയായിരുന്നു. സ്ഥലം വില്പനയെ ചൊല്ലി ഇരുവരും തമ്മില് നിരന്തരം തര്ക്കമുണ്ടായിരുന്നു. ഇത്തരത്തിലൊരു തര്ക്കത്തിനിടെ മാത്യുവിനെ എബി ചുവട്ടിക്കൊലപ്പെടുത്തുകയായിരുന്നുവെന്ന് പൊലീസ് അറിയിച്ചു. സ്വാഭാവിക മരണമെന്ന് ആദ്യം കരുതിയെങ്കിലും സംശയം തോന്നിയ ചില ബന്ധുക്കള് പൊലീസില് അറിയിക്കുകയായിരുന്നു. തുടര്ന്ന് നടത്തിയ ചോദ്യം ചെയ്യലില് എബി കുറ്റം സമ്മതിച്ചു.
