ന്യൂദല്ഹി: സിജെപി പ്രതിഷേധങ്ങളിലെ പ്രശ്നങ്ങള്, പോലീസിന്റെ അതിക്രമങ്ങള്, പോലീസ് ഉദ്യോഗസ്ഥര്ക്കെതിരായ അക്രമങ്ങള് എന്നിവ പരിശോധിക്കുന്നതിനായി ഉന്നതാധികാര സമിതി രൂപീകരിക്കുമെന്ന് സുപ്രീം കോടതി. മുന് സുപ്രീം കോടതി ജഡ്ജി, ഹൈക്കോടതി മുന് ചീഫ് ജസ്റ്റിസ്, മുതിര്ന്ന വിരമിച്ച പോലീസ് ഉദ്യോഗസ്ഥന് എന്നിവരടങ്ങുന്നതാകും സമിതി.
കോടതിക്ക് ആവശ്യമായ നിര്ദ്ദേശങ്ങള് നല്കാന് കഴിയുന്ന തരത്തില് വസ്തുതാന്വേഷണ ചുമതല ഉന്നതാധികാര സമിതിയെ ഏല്പ്പിക്കും.
ആവശ്യമായ എല്ലാ അടിസ്ഥാന സൗകര്യങ്ങളും കോടതി നല്കും. സമിതിയെ ഏതൊരു ഇരയ്ക്കും സമീപിക്കാം. കാലാകാലങ്ങളില് നല്കുന്ന ശുപാര്ശകള് കോടതി പരിഗണിക്കും. ചീഫ് ജസ്റ്റിസ് സൂര്യകാന്ത് , ജസ്റ്റിസ് ജോയ്മല്യ ബാഗ്ചി , ജസ്റ്റിസ് വി മോഹന എന്നിവരടങ്ങിയ ബെഞ്ച് പറഞ്ഞു.
സ്ത്രീ പ്രതിഷേധക്കാര്ക്കെതിരായ ലൈംഗികാതിക്രമം, ഓണ്ലൈന് പീഡനം, സോഷ്യല് മീഡിയ വഴി ഇരകളാക്കല് എന്നിവ സംബന്ധിച്ച ആരോപണങ്ങള് സമിതി പരിശോധിക്കും. ഉത്തരവാദി ആരായാലും അത് ഗൗരവമായി എടുക്കുകയും യുക്തിസഹമായ നിഗമനത്തിലെത്തുകയും വേണം. അതുകൊണ്ടാണ് ഞങ്ങള് ഒരു ഉന്നതാധികാര സമിതി രൂപീകരിക്കുന്നത്. ചീഫ് ജസ്റ്റിസ് പറഞ്ഞു.
