കൊല്ലം:സിപിഎം സംഘടനാ നേതാവ്,താത്പര്യമുളള സ്ഥലത്തേക്ക് സ്ഥലം മാറ്റം ലഭിക്കാന് ശുപാര്ശ കത്ത് വാങ്ങി നല്കിയത് കോണ്ഗ്രസ് എംപിയില് നിന്ന്.കൊടിക്കുന്നില് സുരേഷ് എംപിയാണ് ദേവസ്വം ബോര്ഡിലെ സിപിഎം സംഘടനയായ ദേവസ്വം എംപ്ലോയീസ് കോണ്ഫെഡറേഷന് നേതാവ് ശ്രീക്കുട്ടന് വേണ്ടി ശുപാര്ശ കത്ത് നല്കിയത്.
ഏതായാലും സംഭവം പുറത്തായതോടെ ശ്രീക്കുട്ടനെതിരെ അച്ചടക്ക നടപടിയെടുത്തിരിക്കുകയാണ് സിപിഎം സര്വീസ് സംഘടന.കൊട്ടാരക്കര ക്ഷേത്രത്തിലേക്ക് സ്ഥലംമാറ്റം ലഭിക്കാനാണ് ശ്രീക്കുട്ടന്, കൊടിക്കുന്നില് സുരേഷ് എംപിയുടെ കത്ത് വാങ്ങി ദേവസ്വം മന്ത്രി കെ മുരളീധരന് നല്കിയത്.
ദേവസ്വം ബോര്ഡ് മുന് സിപിഎം അംഗം കെ. രാഘവന്റെ പേഴ്സണല് അസിസ്റ്റന്റ് ആയിരുന്നു ശ്രീക്കുട്ടന്. നിലവില് ദേവസ്വം അസിസ്റ്റന്റ് കമ്മീഷണറാണ് സിപിഎം സംഘടനയായ ദേവസ്വം എംപ്ലോയീസ് കോണ്ഫെഡറേഷന് സംസ്ഥാന വൈസ് പ്രസിഡന്റ് കൂടിയായ ശ്രീക്കുട്ടന്.
സംഘടനാ സംസ്ഥാന സെക്രട്ടറിയേറ്റ് അച്ചടക്ക നടപടിയെടുത്തെങ്കിലും ശ്രീക്കുട്ടനെ പ്രാഥമിക അംഗത്വത്തില് നിലനിര്ത്തി.അച്ചടക്ക നടപടിയുടെ ഭാഗമായി നിലവിലെ ചുമതലകളില് നിന്നും ആറ് മാസത്തേക്ക് ശ്രീക്കുട്ടനെ മാറ്റി നിര്ത്തിയിട്ടുണ്ട്.
