മുംബൈ: ചുരണ്ട മുടിയുള്ള സായ് പല്ലവിയെ സീതയാക്കിയതിന് വിമര്ശനവുമായി പഴയ ടെലിവിഷന് രാമായണ പരമ്പരയിലെ സീതയായ ദീപിക ചിഖാലിയ. രാമാനന്ദ് സാഗറിന്റെ 1987 ലെ ടെലിവിഷൻ പരമ്പരയായ രാമായണത്തിലെ സീതയെ അവതരിപ്പിച്ചതിലൂടെ പ്രശസ്തയായ നടിയാണ് ദീപിക ചിഖാലിയ.
“രാമായണത്തിലെ സീതയ്ക്ക് ചുരുണ്ട മുടിയല്ല ഉള്ളത്. തുളസീദാസിന്റെ രാമായണത്തിലെ സീതയുടേത് ചുരുണ്ട മുടിയല്ലെന്നും സായ് പല്ലവി സീതയുടെ വേഷത്തിന് യോജിച്ചതാണോ എന്ന് സിനിമ റിലീസായതിന് ശേഷമേ പറയാൻ കഴിയൂ” – ദീപിക ചിഖാലിയ പറയുന്നു.
രണ്ബീര് കപൂര് ശ്രീരാമനായും സായ് പല്ലവി സീതയായും വരുന്ന നിതേഷ് തിവാരിയുടെ ബ്രഹ്മാണ്ഡ ചിത്രമായ രാമായണം ഇതിനോടകം ചര്ച്ചാവിഷയമായിക്കഴിഞ്ഞു. “.ഞാന് സായി പല്ലവിയുടെ സിനിമകള് കണ്ടിട്ടുണ്ട്. മികച്ച അഭിനേത്രിയാണ് അവര്. പക്ഷെ സീതയായി എങ്ങിനെയിരിക്കും എന്നറിയാന് ആകാംക്ഷയോടെ കാത്തിരിക്കുകയാണ്.”- ദീപിക ചിഖാലിയ പറയുന്നു.
രാമയണം ഇറങ്ങും മുന്പ് പല രീതികളിലുള്ള ചര്ച്ച സിനിമയെക്കുറിച്ചുള്ള ആകാംക്ഷ വര്ധിപ്പിക്കുകയാണ്. ദീപിക ചിഖാലിയയുടെ വിമര്ശനത്തോട് പ്രതികരിച്ചില്ലെങ്കിലും സീത എന്ന വേഷം അവതരിപ്പിക്കാന് താന് നടത്തിയ മുന്നൊരുക്കങ്ങളെക്കുറിച്ച് ഈയിടെ സായ് പല്ലവി വിശദീകരിച്ചിരുന്നു. ഈ വേഷം താൻ സ്വയം തിരഞ്ഞെടുത്തതല്ലെന്നും മറിച്ച് സീതാദേവിയെ അവതരിപ്പിക്കാൻ താൻ അനുഗ്രഹിക്കപ്പെടുകയായിരുന്നു എന്നുമാണ് സായ് പല്ലവി പറഞ്ഞപ്പോള് തന്നെ എത്രത്തോളം പ്രാധാന്യമാണ് ഈ സീത എന്ന കഥാപാത്രത്തിന് സായി പല്ലവി നല്കിയതെന്ന് വ്യക്തമാണ്. ധ്യാനത്തിലൂടെയും ചിന്തകളിലെ വിശുദ്ധിയിലൂടെയുമാണ് താൻ ഈ കഥാപാത്രത്തെ സമീപിച്ചതെന്നും സായ് പല്ലവി വിശദീകരിച്ചിരുന്നു. ധ്യാനത്തിലൂടെയും ചിന്തകളിലെ വിശുദ്ധിയിലൂടെയുമാണ് താൻ ഈ കഥാപാത്രത്തെ സമീപിച്ചതെന്ന് സായി പല്ലവി പറഞ്ഞു.. കഥാപാത്രത്തോട് നീതി പുലർത്തുന്നതിനായി ചിത്രീകരണത്തിലുടനീളം തന്റെ ചിന്തകളിൽ പരമാവധി വിശുദ്ധിയും ശാന്തതയും സൂക്ഷിക്കാൻ ശ്രമിച്ചതായും സായി പല്ലവി പറഞ്ഞു. എന്തായാലും ഭാരതം മാത്രമല്ല, ലോകമെങ്ങും ഈ രാമായണ സിനിമയെ കാത്തിരിക്കുകയാണ്.
