കണ്ണൂര്: അഞ്ചരക്കണ്ടി മെഡിക്കല് കോളജിലെ ഒന്നാംവര്ഷ ഡെന്റല് വിദ്യാര്ഥി തിരുവനന്തപുരം സ്വദേശി നിതിന് രാജിന്റെ മരണത്തില് സര്ക്കാര് നിയോഗപുതിയ ക്രൈംബ്രാഞ്ച് അന്വേഷണസംഘം കണ്ണൂരിലെത്തി നടപടികള് തുടങ്ങിിച്ച .മലപ്പുറം ക്രൈംബ്രാഞ്ച് എസ്പി എം.പി. മോഹനചന്ദ്രന്റെ നേതൃത്വത്തിലുള്ള അന്വേഷണസംഘം കണ്ണൂര് ക്രൈംബ്രാഞ്ച് ഓഫീസിലെത്തി കേസ് ഫയലുകള് പരിശോധിച്ചു.
നിതിന് രാജിന്റെ മരണവുമായി ബന്ധപ്പെട്ട് നേരത്തേ നടത്തിയ അന്വേഷണങ്ങളില് കുടുംബാംഗങ്ങള് അതൃപ്തി രേഖപ്പെടുത്തിയിരുന്നു.ഈ സാഹചര്യത്തില് അവരുടെ മൊഴിയുള്പ്പെടെ എടുക്കുമെന്ന് അന്വേഷണ ഉദ്യോഗസ്ഥര് പറഞ്ഞു. കോളേജിലെത്തി നിതിന് രാജിന്റെ സഹപാഠികള്, സുഹൃത്തുക്കള്, അധ്യാപകര് ഉള്പ്പെടെയുള്ളവരുടെ മൊഴിയും രേഖപ്പെടുത്തും.
നിതിന് രാജിന്റെ മരണവുമായി ബന്ധപ്പെട്ട് പ്രതിചേര്ത്ത കോളേജിലെ അനാട്ടമി വിഭാഗം മേധാവി ഡോ. എം.കെ. റാമിനെ അറസ്റ്റ് ചെയ്യുന്നതില് സംഭവിച്ച വീഴ്ചയെ തുടര്ന്നാണ് ആഭ്യന്തരവകുപ്പ് പുതിയ അന്വേഷണസംഘത്തെ നിയോഗിച്ചത്.ഡിഐജി അജിതാ ബീഗം അന്വേഷണത്തിന് മേല്നോട്ടം വഹിക്കും.
