തിരുവനന്തപുരം: കൊല്ലം ആസ്ഥാനമായ ശ്രീനാരായണ ഗുരു ഓപ്പണ് സര്വകലാശാലയ്ക്ക് സ്വന്തം കെട്ടിടത്തിനായി 90 കോടി രൂപ അനുവദിച്ചു.സര്വകലാശാലയ്ക്ക് അത്യാധുനിക അക്കാദമിക്-അഡ്മിനിസ്ട്രേറ്റീവ് സമുച്ചയം നിര്മിക്കുന്നതിനാണ് പണം അനുവദിച്ചിരിക്കുന്നതെന്ന് ഉന്നത വിദ്യാഭ്യാസ വകുപ്പ് മന്ത്രി റോജി എം. ജോണ് പറഞ്ഞു.
നിലവില് വാടക കെട്ടിടത്തില് ആണ് സര്വകലാശാലയുടെ പ്രവര്ത്തനം. സര്വകലാശാലയ്ക്ക് 16,864 ചതുരശ്ര മീറ്റര് വിസ്തീര്ണത്തില്, എല്ലാവിധ ആധുനിക സൗകര്യങ്ങളോടും കൂടിയ നാലുനില സമുച്ചയമാണ് നിര്മ്മിക്കുന്നത്. ആധുനിക ക്ലാസ് മുറികള്, ഹൈടെക് ഓഫീസ് സംവിധാനം, ആധുനിക ഇലക്ട്രിക്കല്, ഫയര് സേഫ്റ്റി, വാട്ടര് സപ്ലൈ സംവിധാനങ്ങള് ഉള്പ്പെടെ എല്ലാ ആധുനിക സൗകര്യങ്ങളും പദ്ധതിയുടെ ഭാഗമാകും.
ഉന്നത വിദ്യാഭ്യാസ രംഗത്തെ ആധുനികവത്കരിക്കാനും വിദ്യാര്ഥികള്ക്കും അധ്യാപകര്ക്കും മികച്ച നിലവാരത്തിലുളള സൗകര്യങ്ങള് ഉറപ്പാക്കാനുമുള്ള സര്ക്കാരിന്റെ പ്രതിബദ്ധതയുടെ ഭാഗമാണ് പദ്ധതിയെന്ന് റോജി.എം.ജോണ് പറഞ്ഞു.
