കോഴിക്കോട് : പാളയത്ത് യുവാവിനെ കൊലപ്പെടുത്തിയത് വ്യക്തി വൈരാഗ്യം കാരണമാണെന്ന് പൊലീസ്.കൊല്ലപ്പെട്ട ബിജുവിന്റെ ബന്ധു ആണ് പ്രതി ദീപക്ക്. ദീപക്കിനെ മാനസിക ആരോഗ്യ കേന്ദ്രത്തില് കൊണ്ടു പോകണമെന്ന് ബിജു പറഞ്ഞതിലുളള പകയാണ് കൊലപാതക കാരണം.കുടുംബ പ്രശ്നങ്ങളും കാരണമായിട്ടുണ്ട്.പ്രതിക്ക് മാനസിക പ്രശ്നം ഉണ്ടെന്ന് കണ്ടെത്താന് കഴിഞ്ഞിട്ടില്ലെന്നും പൊലീസ് പറഞ്ഞു.
പ്രതിയെ മാനസികാരോഗ്യ കേന്ദ്രത്തില് നേരത്തെ കൊണ്ടുപോയിട്ടുണ്ട്.അക്രമവാസന ഉളള ആളാണ് ദീപക്. ഇയാള് കഞ്ചാവ് ഉപയോഗിക്കുന്ന ആളാണ്. കൊല്ലപ്പെട്ട ബിജുവിന്റെ ഫോണും ബൈക്കിന്റെ താക്കോലും പ്രതി ഒളിപ്പിച്ചിരുന്നത് കണ്ടെത്തി. ഒറ്റയ്ക്കാണ് പ്രതി കൃത്യം നടത്തിയത്.
ബിജുവിന്റെ സംസ്കാര ചടങ്ങുകളില് ഉള്പ്പെടെ ദീപക്ക് പങ്കെടുത്തു എന്നാണ് വിവരം.ഇക്കഴിഞ്ഞ ഞായറാഴ്ച പുലര്ച്ചെയാണ് കോഴിക്കോട് നഗരത്തെ നടുക്കി പാളയം പച്ചക്കറി മാര്ക്കറ്റിനോട് ചേര്ന്ന ഒറ്റമുറി വീട്ടില് രക്തം വാര്ന്ന് മരിച്ച നിലയില് ബിജുവിന്റെ മൃതദേഹം കണ്ടെത്തിയത്.പോസ്റ്റ്മോര്ട്ടം റിപ്പോര്ട്ടില് ശരീരത്തില് 45 മുറിവുകള് കണ്ടെത്തി.
