കാസര്കോട്: എല്ഡിഎഫ് സര്ക്കാര് കടം വാങ്ങിയ വൈദ്യുതി ഇപ്പോള് തിരിച്ചുനല്കിക്കൊണ്ടിരിക്കുകയാണെന്നും അതിനാലാണ് നിയന്ത്രണം ഏര്പ്പെടുത്തേണ്ടി വന്നതെന്നും വൈദ്യുതി മന്ത്രി സണ്ണി ജോസഫ്. പ്രതിസന്ധിക്ക് കാരണം മുന് ഇടത് സര്ക്കാരിന്റെ നയങ്ങളാണ്.
മുന് വൈദ്യുതി മന്ത്രി എം.എം. മണിയുമായി താരതമ്യം ചെയ്തുള്ള സമൂഹമാദ്ധ്യമ പോസ്റ്റുകളെക്കുറിച്ച് ആരാഞ്ഞ മാദ്ധ്യമപ്രവര്ത്തകരോട്, മണി തന്നേക്കാള് ഏറെ മുതിര്ന്ന നേതാവാണെന്നും അദ്ദേഹത്തിന്റെ ശിഷ്യനാകാന് ആഗ്രഹിക്കുന്നില്ലെന്നും സണ്ണി ജോസഫ് പറഞ്ഞു.
കേരളത്തില് വൈദ്യുതി ഉപഭോഗം ഗണ്യമായി വര്ധിച്ച സാഹചര്യത്തില് പ്രതിസന്ധി മറികടക്കാന് സര്ക്കാര് വിവിധ നടപടികള് സ്വീകരിച്ചുവരികയാണ്. നിലവില് മഴ ലഭിക്കുന്നത് ആശ്വാസകരമാണെന്നും മന്ത്രി പറഞ്ഞു.
