കോട്ടയം: വി.ഡി. സതീശനെ പിന്തുണയ്ക്കാന് ഗണേഷ് കുമാര് ആരാണെന്ന് എന്എസ്എസ് ജനറല് സെക്രട്ടറി ജി. സുകുമാരന് നായര്. ഗണേഷ് കുമാര് സര്ക്കാരിന്റെയോ എന്എസ്എസിന്റെയോ ഭാഗമല്ലെന്നും അതിനാല് ഇക്കാര്യത്തില് കൂടുതല് പ്രതികരിക്കുന്നില്ലെന്നും അദ്ദേഹം പറഞ്ഞു. വി.ഡി. സതീശന് എന്എസ്എസിനെയോ മറ്റേതെങ്കിലും സമുദായത്തെയോ ആക്ഷേപിച്ചതായി അറിയില്ല.
മന്നം സമാധി മന്ദിരം ആവശ്യപ്പെടുന്നവര്ക്ക് തുറന്നുനല്കാറുണ്ട്. സമാധി തുറന്നിട്ട് വീട്ടിലേക്ക് പോകാന് കഴിയില്ലെന്നും സുകുമാരന് നായര് കെ ബി ഗണേഷ് കുമാറിന്റെ വിമര്ശനങ്ങള്ക്ക് മറുപടിയായി പറഞ്ഞു.
എന്എസ്എസില് ഏകാധിപത്യ പ്രവണത പാടില്ലെന്നും എവിടെയായാലും ഏകാധിപതികള് തകരുമെന്നുമുള്ള ഗണേഷ് കുമാറിന്റെ വിമര്ശനത്തോടു പ്രതികരിക്കുകയായിരുന്നു സുകുമാരന് നായര്.
