സീതാദേവിയെ അവതരിപ്പിച്ചത് എളുപ്പമുള്ള കാര്യമായിരുന്നില്ലെന്ന് നടി സായിപല്ലവി . രാമായണത്തിന്റെ ‘പ്രഥം സങ്കല്പ്’ പരിപാടിയിൽ പങ്കെടുത്ത് സംസാരിക്കുന്നതിനിടെയാണ് സായി പല്ലവിയുടെ ഈ തുറന്ന് പറച്ചിൽ.
ഒരു നടനും ഇത്തരം വേഷങ്ങൾ എളുപ്പത്തിൽ ലഭിക്കില്ലെന്നും അഭിനയിക്കാൻ കഴിയില്ലെന്നും സായ് പല്ലവി പറഞ്ഞു. “ഒരു ദേവതയെ അവതരിപ്പിക്കുന്നത് എളുപ്പമുള്ള കാര്യമല്ല. അഭിനേതാക്കൾക്ക് അത്തരം വേഷങ്ങൾ ലഭിക്കുന്നതും എളുപ്പമല്ല. അതിന്റെ ഏറ്റവും മികച്ച പതിപ്പ് സൃഷ്ടിക്കാൻ ഒരു മുഴുവൻ ടീമും ശ്രമിക്കേണ്ടി വരും.
സീതയായി അഭിനയിക്കാൻ ഞാൻ തീരുമാനിച്ചതായി എനിക്ക് തോന്നുന്നില്ല. അതൊരു പദവിയായിരുന്നു. അത് എങ്ങനെ അവതരിപ്പിക്കണമെന്ന് മുൻകൂട്ടി തയ്യാറാക്കിയ പദ്ധതികളൊന്നുമില്ല . പതിവായി ഞാൻ ഇരുന്ന് ധ്യാനിച്ചു, മനസിൽ ‘സീതാ മാ, ദയവായി എന്നിലൂടെ അഭിനയിക്കുക. നിങ്ങൾക്ക് എന്ത് വേണമെങ്കിലും, ദയവായി എന്നിലൂടെ ചെയ്യൂ’.” എന്നായിരുന്നു പ്രാർത്ഥന.
സീതയുടെ വേഷം ചെയ്യാൻ ഞാൻ സ്വയം കഴിയുന്നത്ര പരിശുദ്ധി പാലിച്ചു. എന്റെ ചിന്തകളിലും , കഴിയുന്നത്ര പരിശുദ്ധി നിലനിർത്താൻ ഞാൻ എപ്പോഴും ശ്രമിച്ചു,” സായി പല്ലവി പറഞ്ഞു.
