2026 ഫിഫ ലോകകപ്പ് ഫൈനല് ജൂലൈ 19-ന് അമേരിക്കയിലെ ന്യൂയോര്ക്കിന് സമീപമുള്ള ന്യൂ ജഴ്സിയിലെ മെറ്റ്ലൈഫ് സ്റ്റേഡിയത്തില് നടക്കും. ഇന്ത്യന് സമയം നാളെ രാത്രി 12.30ന് കിക്കോഫ്.
നേര്ക്കുനേര്?
അര്ജന്റീന vs സ്പെയിന്
(അര്ജന്റീന സെമിയില് ഇംഗ്ലണ്ടിനെ 2-1ന് തോല്പ്പിച്ചു)
(സ്പെയിന് ഫ്രാന്സിനെ 2-0ന് കീഴടക്കി)
മത്സരം സമനിലയായാല്?
90 മിനിറ്റിനുശേഷം സ്കോര് സമനിലയായാല്:
30 മിനിറ്റ് അധികസമയം (15 + 15)
അതിലും വിജയിയെ കണ്ടെത്താനായില്ലെങ്കില് പെനാല്റ്റി ഷൂട്ടൗട്ട്.
വാറും സെമി ഓട്ടോമേറ്റഡ് ഓഫ്സൈഡും
ഫൈനലിലും വാര് പൂര്ണമായും ഉപയോഗിക്കും. അതോടൊപ്പം സെമി ഓട്ടോമേറ്റഡ് ഓഫ്സൈഡ് ടെക്നോളജിയും പ്രവര്ത്തിക്കും. ഗോള്ലൈന് ടെക്നോളജിയും നിര്ണായക തീരുമാനങ്ങളില് സഹായിക്കും.
അഞ്ച് മാറ്റങ്ങള്
ഇരു ടീമുകള്ക്കും സാധാരണ പോലെ അഞ്ച് സബ്സ്റ്റിറ്റിയൂഷനുകള് അനുവദിക്കും.
അധികസമയം ഉണ്ടായാല് ഒരു അധിക സബ്സ്റ്റിറ്റിയൂഷനും ലഭിക്കും.
ഇടവേള 30 മിനിറ്റ്
ഇത്തവണത്തെ ലോകകപ്പ് ഫൈനലിന്റെ ഇടവേള 30 മിനിറ്റായിരിക്കും. ഈ സമയം പോപ് ഗായിക ഷക്കീരയുടെ നേതൃത്വത്തിലുള്ള സംഗീത പരിപാടി അരങ്ങേറും
ട്രോഫി നല്കുന്നത് ആര്?
വിജയിക്കുന്ന ടീമിന്റെ നായകന് മത്സരശേഷം ഫിഫ പ്രസിഡന്റ് ജിയാനി ഇന്ഫന്റീനോയുടെ സാന്നിധ്യത്തില് അമേരിക്കന് പ്രസിഡന്റ് ഡോണള്ഡ് ട്രംപില്നിന്ന് ലോകകപ്പ് ട്രോഫി ഏറ്റുവാങ്ങും. തുടര്ന്ന് സ്വര്ണമെഡലുകളും വ്യക്തിഗത പുരസ്കാരങ്ങളും വിതരണം ചെയ്യും.
വ്യക്തിഗത പുരസ്കാരങ്ങള്
ഗോള്ഡന് ബോള് (മികച്ച താരം)
ഗോള്ഡന് ബൂട്ട് (ഏറ്റവും കൂടുതല് ഗോള്)
ഗോള്ഡന് ഗ്ലൗവ് (മികച്ച ഗോള്കീപ്പര്)
മികച്ച യുവതാരം
- ഫൈനലിന്റെ പ്രത്യേകത?
അര്ജന്റീന തുടര്ച്ചയായ ലോകകപ്പ് കിരീടം ലക്ഷ്യമിടുന്നു. - സ്പെയിന് രണ്ടാം ലോകകപ്പ് കിരീടം തേടുന്നു.
- ലോക ഫുട്ബോളിന്റെ പഴയ തലമുറയും (മെസി) പുതിയ തലമുറയും (യമാല്) നേര്ക്കുനേര് വരുന്ന മത്സരമെന്ന നിലയിലും ഈ ഫൈനലിന് വലിയ പ്രാധാന്യമുണ്ട്.
