ന്യൂദല്ഹി: മാദ്ധ്യമ സ്വാതന്ത്ര്യത്തില് വിട്ടുവീഴ്ച ചെയ്യാതെ മാദ്ധ്യമങ്ങളെ നിയന്ത്രിക്കുന്നതിനുള്ള ഒരു നിയമ ചട്ടക്കൂട് വേണമെന്ന് ദല്ഹി ഹൈക്കോടതി.
ഉത്തരവാദിത്വമില്ലാത്ത പത്രപ്രവര്ത്തനത്തിനും ഭീഷണിക്കും പൊതു ക്രമസമാധാനത്തെ അപകടപ്പെടുത്തുന്നതിനും മാദ്ധ്യമസ്വാതന്ത്ര്യം ഒരു കവചമാകാന് കഴിയില്ലെന്ന് കോടതി നിരീക്ഷിച്ചു.
മൊബൈല് ഫോണും മൈക്രോഫോണും കൈവശമുള്ള ആരും സ്വയം പത്രപ്രവര്ത്തകര് എന്ന് വിളിക്കുന്നതില് ജസ്റ്റിസ് ഗിരീഷ് കത്പാലിയ ആശങ്ക പ്രകടിപ്പിച്ചു. പലപ്പോഴും പത്രപ്രവര്ത്തന പരിശീലനമോ ധാര്മ്മിക അടിത്തറയോ ഉത്തരവാദിത്തമോ ഇല്ലാതെയാണ് ഇവരുടെ പ്രവര്ത്തനം.
ഒരു ആരാധനാലയത്തെക്കുറിച്ചുള്ള വീഡിയോ റെക്കോര്ഡുചെയ്യുന്നതിനിടെ രണ്ട് ഫ്രീലാന്സ് യൂട്യൂബ് റിപ്പോര്ട്ടര്മാരെ ആക്രമിച്ച കേസില് രണ്ട് പേര് സമര്പ്പിച്ച ജാമ്യാപേക്ഷ പരിഗണിക്കുകയായിരുന്നു കോടതി.
