കൊച്ചി :മുഖ്യമന്ത്രി വി ഡി സതീശനുമായുള്ള കൂടിക്കാഴ്ചയ്‌ക്ക് യൂത്ത് കോണ്‍ഗ്രസ് നേതാക്കളായ എ ഡി തോമസ് എംഎല്എയ്ക്കും അജയ് ജുവല്‍ കുര്യാക്കോസിനും ഇന്നും സമയം അനുവദിച്ചില്ല.നവകേരള യാത്രയ്‌ക്കിടെ ആലപ്പുഴയില്‍ വച്ച് മുന്‍ മുഖ്യമന്ത്രി പിണറായി വിജയന്റെ ഗണ്‍മാന്‍ ഉള്‍പ്പെടെ സുരക്ഷാ ഉദ്യോഗസ്ഥര്‍ മര്‍ദിച്ച കേസ് അട്ടിമറിക്കാന്‍ ഇടപെട്ട എ ഡി ജി പി അജിത് കുമാറിനെതിരായ നടപടി വൈകുന്നതില്‍ മുഖ്യമന്ത്രിയെ കാണാനാണ് ഇരുവരും തീരുമാനിച്ചിരുന്നത്.
മുഖ്യമന്ത്രിയുമായുള്ള കൂടിക്കാഴ്ചയ്‌ക്കായി ഇന്നലെ ഇരുവരും തിരുവനന്തപുരത്തേയ്‌ക്ക് പുറപ്പെട്ടിരുന്നു.എന്നാല്‍ മുഖ്യമന്ത്രി കൂടിക്കാഴ്ചയ്‌ക്കായുള്ള സമയം അനുവദിച്ചില്ല. ഇന്ന് മണ്ഡലത്തില്‍ എത്തുമ്പോള്‍ കാണാമെന്നായിരുന്നു ഉറപ്പ് നല്‍കിയത്.ഇത് പ്രകാരം എ ഡി തോമസ് എംഎല്‍എയും അജയ് ജുവല്‍ കുര്യാക്കോസും ഇന്ന് എറണാകുളത്തേക്ക് വരാനായി തയാറെടുത്തെങ്കിലും ഉച്ചവരെയും ഏത് സമയത്ത് കാണാം എന്ന കാര്യത്തില്‍ മുഖ്യമന്ത്രിയോ മുഖ്യമന്ത്രിയുടെ ഓഫീസോ വിവരം നല്‍കിയില്ല. ഫോണില്‍ ബന്ധപ്പെടാന്‍ പലപ്പോഴായി ശ്രമിച്ചെങ്കിലും സാധിച്ചില്ല.പിന്നീടാണ് കൂടിക്കാഴ്ച മറ്റൊരു ദിവസത്തേയ്‌ക്ക് മാറ്റാമെന്ന് അറിയിപ്പ് ലഭിച്ചത്.
തെരഞ്ഞെടുപ്പില്‍ വന്‍ ഭൂരിപക്ഷത്തോടെ അധികാരത്തില്‍ വന്ന യുഡിഎഫ് മന്ത്രിസഭയുടെ ആദ്യ തീരുമാനമായിരുന്നു രക്ഷാപ്രവര്‍ത്തന കേസില്‍ എസ്‌ഐടി രൂപീകരണം. എന്നാല്‍ അന്വേഷണം പൂര്‍ത്തിയാക്കി റിപ്പോര്‍ട്ട് സമര്‍പ്പിച്ചിട്ടും നടപടി വൈകുകയാണ്.
