ന്യൂദല്ഹി : വിദേശ സംഭാവനകള് സംബന്ധിച്ച എഫ്സിആര്എ നിയമഭേദഗതി ബില് പാര്ലമെന്റിന്റെ വര്ഷകാല സമ്മേളനത്തില് അവതരിപ്പിച്ചേക്കും. അവതരിപ്പിക്കാന് സാധ്യതയുള്ള ബില്ലുകള്ക്കൊപ്പം എഫ്സിആര്എയും ലോക്സഭാ സെക്രട്ടേറിയറ്റ് ലിസ്റ്റ് ചെയ്തു. വികസിത് ഭാരത് ശിക്ഷാ അധിഷ്ഠാന് ബില് 2025, ജനന-മരണ രജിസ്ട്രേഷന് ഭേദഗതി ബില്, ദേശീയ ബഹുമതികളെ അപമാനിക്കുന്നത് തടയാനുള്ള നിയമ ഭേദഗതി എന്നീ ബില്ലുകളും ലിസ്റ്റ് ചെയ്തിട്ടുണ്ട്.
എഫ്സിആര്എ നിയമഭേദഗതി ബില് നേരത്തെ അവതരിപ്പിക്കാനിരുന്നതാണെങ്കിലും ക്രൈസ്തവ സംഘടനകള് ആശങ്ക പ്രകടിപ്പിച്ചതിനാല് മാറ്റി വച്ചു. ഏതാനും ദിവസം മുമ്പ് ക്രൈസ്തവ സഭാ പ്രതിനിധികള് കേന്ദ്ര ആഭ്യന്തര മന്ത്രി അമിത് ഷായെ കണ്ടപ്പോള് ആശങ്കയ്ക്കടിസ്ഥാനമില്ലെന്ന് അദ്ദേഹം മറുപടി നല്കിയിരുന്നു.
പാര്ലമെന്ന്റിന്റെ വര്ഷകാല സമ്മേളനം ഈ മാസം ഇരുപതിന് ആരംഭിക്കും.ആഗസ്റ്റ് പതിമൂന്ന് വരെയുള്ള സമ്മേളനത്തില് ആകെ 19 പ്രവര്ത്തി ദിനങ്ങളാണുള്ളത്.
