തിരുവനന്തപുരം: ഹൈക്കോടതി പ്ലീഡര് നിയമനത്തില് മുഖ്യമന്ത്രി വി ഡി സതീശനെ വിമര്ശിച്ച് വീണ്ടും ലോയേഴ്സ് കോണ്ഗ്രസ്.മുഖ്യമന്ത്രിയുമായി പലവട്ടം ചര്ച്ചകള്ക്ക് ശ്രമിച്ചെങ്കിലും നിരന്തരം ഒഴിവാക്കി.
മുഖ്യമന്ത്രിക്ക് സമര്പ്പിച്ച പേരുകളില് പരിഗണന കിട്ടിയില്ല.വിവാദ വ്യക്തികളുടെ നിയമനം സംബന്ധിച്ച് മുഖ്യമന്ത്രി ഒന്നും പരാമര്ശിച്ചില്ല. മുഴുവന് കുറ്റവും ഉത്തരവാദിത്തവും സംസ്ഥാന പ്രസിഡണ്ടിനുമേല് ചുമത്താന് ഉള്ള ശ്രമമാണെന്നും ലോയെഴ്സ് കോണ്ഗ്രസ് സംസ്ഥാന പ്രസിഡന്റ് അഡ്വ. പി.കെ റഹ്മാന് പറഞ്ഞു.
സ്റ്റേറ്റ് ആറ്റോണി അനൂപ് വി നായര് ആണ് വിവാദ പട്ടിക നല്കിയത്.കിട്ടിയ പട്ടിക മറ്റാമില്ലാതെ കൈമാറാനാണ് നിര്ദേശിച്ചത്. വിവാദമായപ്പോള് എല്ലാം തന്റെ തലയില് കെട്ടിവെക്കാന് ശ്രമിക്കുന്നു എന്ന് ലോയെഴ്സ് കോണ്ഗ്രസ് സംസ്ഥാന പ്രസിഡന്റ് അഡ്വ. പി.കെ റഹ്മാന് ആരോപിച്ചു. ഹൈക്കോടതി പ്ലീഡര് നിയമനത്തില് മുഖ്യമന്ത്രിക്കെതിരെ രൂക്ഷ വിമര്ശനവുമായി നേരത്തെയും ലോയേഴ്സ് കോണ്ഗ്രസ് രംഗത്തെത്തിയിരുന്നു.
യുഡിഎഫ് ഇതര കക്ഷികളുമായി ബന്ധനുളള അഭിഭാഷകരെ നിയമിച്ചെന്നാണ് ആരോപണം. അനര്ഹരുടെ നിയമനം പിന്വലിക്കണമെന്നും ഇല്ലെങ്കില് പേരുകള് പുറത്തുവിടുമെന്നും ലോയേഴ്സ് കോണ്ഗ്രസ് മുന്നറിയിപ്പ് നല്കി.
