തിരുവനന്തപുരം: യു.ഡി.എഫ് സര്ക്കാര് അധികാരത്തില് വന്നതുമുതല് ശബരിമല സ്വര്ണ്ണക്കൊള്ള കേസിലെ അന്വേഷണം അട്ടിമറിക്കാനുള്ള ആസൂത്രിതമായ നീക്കങ്ങള് നടക്കുന്നതായി പ്രതിപക്ഷ നേതാവ് പിണറായി വിജയന്. ശബരിമലയുടെ ഭരണപരവും ആചാരപരവുമായ കാര്യങ്ങളില് കോടതി ഇടപെടലുകള് മൂലം സര്ക്കാരിന് തീരുമാനങ്ങളെടുക്കാന് സാധിക്കുന്നില്ലെന്ന ദേവസ്വം മന്ത്രി കെ മുരളീധരന്റെ പ്രസ്താവന അനവസരത്തിലുള്ളതാണ്. ഭരണഘടനാ സ്ഥാപനങ്ങളെയും നിയമവ്യവസ്ഥയെയും വെല്ലുവിളിക്കുന്ന രീതിയില് മന്ത്രിമാര് സംസാരിക്കുന്നത് ഉചിതമല്ല. ഭരണഘടനാപരമായ ഉത്തരവാദിത്തം നിറവേറ്റാന് ബാധ്യതപ്പെട്ട ഒരു മന്ത്രിയില് നിന്നും കോടതിക്കെതിരായി ഉണ്ടായ ഈ പരാമര്ശം ഗൗരവമായി കാണണം. സ്വര്ണ്ണക്കൊള്ള കേസിനെ ദുര്ബ്ബലപ്പെടുത്താനുള്ള ഏത് ശ്രമവും എതിര്ക്കും .
പ്രതിപക്ഷത്തുള്ളപ്പോള് കോടതിയുടെ മേല്നോട്ടത്തിലുള്ള അന്വേഷണം സ്വാഗതം ചെയ്തവര് അധികാരത്തിലെത്തിയപ്പോള് നിലപാട് തന്നെ മാറ്റുകയാണ്. ഇതിന് പിന്നിലെ ഗൂഢലക്ഷ്യം വ്യക്തമാണെന്നും പിണറായി പറഞ്ഞു.
