വാഷിംഗ്ട്ടണ്‍: ഹോര്‍മുസ് കടലിടുക്ക് വഴി കടന്നുപോകുന്ന കപ്പലുകള്‍ക്ക് 20% ചുങ്കം ചുമത്തുമെന്ന മുന്‍ പ്രഖ്യാപനം തിരുത്തി യുഎസ് പ്രസിഡന്റ് ഡൊണാള്‍ഡ് ട്രംപ് . ഇറാന്‍ ഒഴികെയുള്ള എല്ലാരാജ്യങ്ങളുടെയും കപ്പല്‍ ഗതാഗതത്തിന് ഹോര്‍മുസ് കടലിടുക്ക് തുറന്നിട്ടുണ്ടെന്ന് അദ്ദേഹം വ്യക്തമാക്കി. എന്നാല്‍ ഇറാനിയന്‍ തുറമുഖങ്ങളിലേക്ക് വരുന്നതും പോകുന്നതുമായ അല്ലെങ്കില്‍ ഇറാനിയന്‍ ചരക്കുമായി ബന്ധപ്പെട്ട എന്തെങ്കിലും കൊണ്ടുപോകുന്ന കപ്പലുകള്‍ക്ക് ഉപരോധം ഏര്‍പ്പെടുത്തും. ട്രൂത്ത് സോഷ്യലില്‍ പോസ്റ്റ് ചെയ്തതാണ് ഈ വിവരം. ഗള്‍ഫ് രാജ്യങ്ങളുമായി വ്യാപാര, നിക്ഷേപ കരാറുകള്‍ പ്രോല്‍സാഹിപ്പിക്കുകയാണ് പുതിയ നിലപാടിനു പിന്നിലെന്നാണ് ട്രംപിന്‌റെ വ്യാഖ്യാനം.
