ന്യൂദല്ഹി: സ്കൂളുകളിലും കോളേജുകളിലും’സമഗ്ര ലൈംഗിക വിദ്യാഭ്യാസം’ പാഠ്യപദ്ധതിയുടെ ഭാഗമാക്കാമെന്ന് കേന്ദ്ര സര്ക്കാര് സുപ്രീം കോടതിയെ അറിയിച്ചു. ഇതു സംബന്ധിച്ച് പഠിക്കാന് വനിതാ-ശിശു വികസന മന്ത്രാലയത്തിലെ അഡീഷണല് സെക്രട്ടറിയുടെ നേതൃത്വത്തില് 26 അംഗ വിദഗ്ദ്ധ സമിതിയെ കേന്ദ്ര സര്ക്കാര് നിയമിച്ചിരുന്നു. സമിതിയുടെ റിപ്പോര്ട്ടിന്റെ അടിസ്ഥാനത്തിലാവും പാഠ്യപദ്ധതി തയ്യാറാക്കുക.
കേന്ദ്രസര്ക്കാരിനു വേണ്ടി ഹാജരായ അഡീഷണല് സോളിസിറ്റര് ജനറല് ഐശ്വര്യ ഭാട്ടി, ഈ റിപ്പോര്ട്ട് സര്ക്കാര് അംഗീകരിച്ചതായി ജസ്റ്റിസുമാരായ ബി.വി. നാഗരത്ന, ആര്. മഹാദേവന് എന്നിവരടങ്ങിയ ബെഞ്ചിനെ അറിയിച്ചു. കൗമാരക്കാരുടെ പ്രണയവും ഗര്ഭധാരണവും വര്ദ്ധിക്കുന്നത് പോക്സോ നിയമപ്രകാരം കുറ്റകൃത്യമാക്കുന്നത് തടയാനുള്ള വഴികള് തേടണമെന്ന സുപ്രീം കോടതിയുടെ നിര്ദ്ദേശപ്രകാരമാണ് റിപ്പോര്ട്ട് സമര്പ്പിച്ചത്. ഒപ്പം പരസ്പര സമ്മതത്തോടെയുള്ള ലൈംഗിക ബന്ധത്തില് ഏര്പ്പെടുന്ന കൗമാരക്കാരുടെ സ്വകാര്യതയ്ക്കുള്ള അവകാശവുമായി ബന്ധപ്പെട്ട പ്രശ്നങ്ങളും സമിതി പരിശോധിച്ചിരുന്നു.
‘സമഗ്ര ലൈംഗിക വിദ്യാഭ്യാസം’ പാഠ്യപദ്ധതിയുടെ ഭാഗമാക്കാമെന്ന് കേന്ദ്ര സര്ക്കാര് സുപ്രീം കോടതിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.