കൊല്ലം: വിയറ്റ്നാമില്‍ ബോട്ടപകടത്തില്‍ മരിച്ചവരില്‍ മലയാളി ദമ്പതികളും. കൊട്ടാരക്കര മാര്‍ക്കറ്റ് ജംഗ്ഷന്‍ ആവിയോട്ട് ഹൗസില്‍ എ. സി. തോമസ്(57), ഭാര്യ ലോവേനി തോമസ്(56) എന്നിവരാണ് മരിച്ചത്.
മൃതദേഹങ്ങള്‍ എത്രയും വേഗം നാട്ടിലെത്തിക്കുന്നതിന് നടപടികള്‍ സ്വീകരിക്കുമെന്ന് വിയറ്റ്‌നാമിലെ ഇന്ത്യന്‍ സ്ഥാനപതി അറിയിച്ചു.ഇവരുടെ ബന്ധുക്കള്‍ക്ക് ആവശ്യമായ എല്ലാ കോണ്‍സുലര്‍ സഹായങ്ങളും ലഭ്യമാക്കുന്നതിനും നടപടി സ്വീകരിക്കും.
അപകടത്തില്‍ 15 പേര്‍ മരിച്ചെന്നാണ് വിവരം. മരിച്ചവരില്‍ 13 പുരുഷന്മാരും രണ്ട് വനിതകളും ഉള്‍പ്പെടുന്നു. മരിച്ചവരില്‍ ഏറിയ പങ്കും തമിഴ്‌നാട് സ്വദേശികളാണെന്നാണ് റിപ്പോര്‍ട്ടുകള്‍ വരുന്നത്.മരിച്ചവരില്‍ 4 ആന്ധ്ര സ്വദേശികള്‍ ഉള്‍പ്പെട്ടതായും സ്ഥിരീകരിച്ചിട്ടുണ്ട്.
17 വിനോദസഞ്ചാരികളെയും നാല് വോട്ട് ജീവനക്കാരും ഉള്‍പ്പെടെ 21 പേരെ രക്ഷപ്പെടുത്തി. ചികിത്സയിലുള്ള രണ്ടുപേരുടെ നില ഗുരുതരം.
ദുരന്തത്തില്‍ പ്രധാനമന്ത്രി നരേന്ദ്രമോദി അനുശോചിച്ചു.
