ഹാനോയ്: വിയറ്റ്നാമില് വിനോദസഞ്ചാരികളുടെ ബോട്ട് മുങ്ങി നിരവധി പേരെ കാണാതായി. 32 ഇന്ത്യക്കാർ ബോട്ടില് ഉണ്ടായിരുന്നുവെന്നാണ് വിവരം. വിയറ്റ്നാമിന്റെ തെക്കൻ തീരത്തു നിന്ന് 45 കിലോമീറ്റർ അകലെ തായ്ലാൻഡ് ഉള്ക്കടലില് വിനോദസഞ്ചാര കേന്ദ്രമായ ഫുക്വോക് ദ്വീപിന് സമീപം ശനിയാഴ്ച രാവിലെ 10.30ഓടെയാണ് സംഭവം. അപകടത്തില് 15 പേർ മരിച്ചതായി പ്രാദേശിക മാധ്യമങ്ങള് റിപ്പോർട്ട് ചെയ്യുന്നുണ്ടെങ്കിലും ഇന്ത്യൻ എംബസി ഇക്കാര്യം സ്ഥിരീകരിച്ചിട്ടില്ല.
നിലവില് രക്ഷാപ്രവർത്തനം പുരോഗമിക്കുകയാണ്. സ്വകാര്യ കമ്പനിയുടെ സ്പീഡ് ബോട്ടാണ് അപകടത്തില്പ്പെട്ടത്. അപകടത്തിന്റെ പശ്ചാത്തലത്തില് ഹോചിമിന് സിറ്റിയിലെ ഇന്ത്യന് കോണ്സുലേറ്റ് ഓഫീസില് കണ്ട്രോള് റൂം തുറന്നു. കണ്ട്രോള് റൂം നമ്പര്- +84 36 281 7930, +84 91 552 37 14, +84 33 452 0414. വിയറ്റ്നാമിന്റെ തലസ്ഥാനമായ ഹാനോയിലും കണ്ട്രോള് റൂം ആരംഭിച്ചു. നമ്പര്- +84 91 308 9165.
