ചേര്‍ത്തല: ഒരു രാജ്യം ഒരു തെരഞ്ഞെടുപ്പ് നടപ്പിലാക്കുന്നതോടെ ലോകത്തിലെ ഏറ്റവും വലിയ വികസിത രാജ്യമായി ഭാരതം മാറുമെന്ന് ബിഡിജെഎസ് സംസ്ഥാന അധ്യക്ഷന്‍ തുഷാര്‍ വെള്ളാപ്പള്ളി പറഞ്ഞു. ബിഡിജെഎസ് സംസ്ഥാന കൗണ്‍സില്‍ യോഗം ഉദ്ഘാടനം ചെയ്യുകയായിരുന്നു അദ്ദേഹം.
കേന്ദ്ര സര്‍ക്കാര്‍ നടപ്പിലാക്കുന്ന വികസന പദ്ധതികള്‍ പുര്‍ണമായി നടപ്പിലാക്കെന്നതും അതുവഴി മാത്രമേ ജനങ്ങള്‍ക്ക് ക്ഷേമവും വികസനവും സാദ്ധ്യമാകൂ. വികസന പദ്ധതികള്‍ ജനങ്ങളിലേക്ക് എത്തിക്കാന്‍ ബിഡിജെഎസ് കര്‍മപദ്ധതികള്‍ക്ക് രൂപം നല്‍കും.
വിഴിഞ്ഞം പദ്ധതിയുടെ എല്ലാ കാര്യങ്ങളും ജനങ്ങള്‍ക്ക് അറിയാന്‍ അവകാശമുണ്ട്. അതിനാല്‍ ദുരൂഹ വസ്തുതകള്‍ വെളിച്ചത്ത് വരുന്നതിന് സര്‍ക്കാര്‍ ധവളപത്രം ഇറക്കണമെന്ന് യോഗം പ്രമേയത്തിലുടെ ആവശ്യപ്പെട്ടു. ലോകസഭ തെരത്തെടുപ്പിന് ഒരുങ്ങാന്‍ പാര്‍ട്ടി ഘടകങ്ങളെ സജ്ജമാക്കുന്നതിനും ഒരുക്കങ്ങള്‍ക്ക് തുടക്കം കുറിയ്‌ക്കുവാനും ചേര്‍ന്ന സംസ്ഥാന കൗണ്‍സില്‍ യോഗം തിരുമാനിച്ചു.
പദ്മഭൂഷന്‍ ബഹുമതിക്ക് അര്‍ഹനായ എസ്എന്‍ഡിപിയോഗം ജനറല്‍ സെക്രട്ടറി വെള്ളാപ്പള്ളി നടേശനെ യോഗത്തില്‍ അനുമോദിച്ചു യോഗത്തില്‍ പൈലി വാത്യാട്ട് അധ്യക്ഷനായി. കെ. പത്മകുമാര്‍ സംഘടനാ സന്ദേശം നല്‍കി.
സോമശേഖരന്‍ നായര്‍, അഡ്വ. സംഗിതാ വിശ്വനാഥ് , അഡ്വ സിനില്‍ മുണ്ടാപ്പള്ളി . അഡ്വ. പി. എസ്. ജ്യോതിസ് , ഷാജി ബത്തേരി, പച്ചയില്‍ സന്ദിപ് എ.ബി. ജയപ്രകാശ്, ഷിബടിച്ചര്‍, സന്തോഷ്ശാന്തി എം പി സെന്‍, ഡോ. എ.വി ആനന്ദരാജ്, അതുല്യ ഘോഷ, രാകേഷ് കോഴഞ്ചേരി, ഡി. പ്രേം രാജ്, സുരേഷ് ഇട്ടികുന്നേല്‍, അനിഷ് പുല്ലു വേലി, ഗിരിഷ് നിലമ്പുര്‍, എം.പി ബിനു എന്നിവര്‍ സംസാരിച്ചു.
