കൊല്ലം: എം എല്‍ എ കാലാവധി അവസാനിച്ചിട്ടും ഓഫീസിന് മുന്നില്‍ സ്ഥാപിച്ച എംഎല്‍എ ബോര്‍ഡ് മാറ്റാത്തതില്‍ എം മുകേഷിനെതിരെ പരാതി.എംഎല്‍എ ആയിരുന്നപ്പോള്‍ ആനന്ദവല്ലിശ്വരത്തെ ഓഫീസിന് മുന്നില്‍ സ്ഥാപിച്ച ബോര്‍ഡ് മാറ്റാത്തത് കുറ്റകരമായ നടപടിയാണെന്ന് ആരോപിച്ച് യൂത്ത് കോണ്‍ഗ്രസ്, ജില്ലാ കളക്ടര്‍ക്കും കൊല്ലം എസ് എച്ച് ഒയ്‌ക്കും പരാതി നല്‍കി.
യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്റ് വിഷ്ണു സുനിലാണ് പരാതി നല്‍കിയത്. ആനന്ദവല്ലീശ്വരത്തെ ഓഫീസിന് സമീപത്തെ ബോര്‍ഡ് മാറ്റിയില്ലെന്നും ജനങ്ങളെ തെറ്റിദ്ധരിപ്പിക്കുന്നതില്‍ കേസെടുക്കണമെന്നുമാണ് പരാതിയിലെ ആവശ്യം.
പുതിയ സാമാജികര്‍ എത്തിക്കഴിഞ്ഞാല്‍ തൊട്ടടുത്ത ദിവസം തന്നെ മുന്‍ എംഎല്‍എമാരും മന്ത്രിമാരും കാറുകളിലെയും ഓഫീസുകളിലെയും അടക്കം ബോര്‍ഡുകള്‍ മാറ്റണം എന്നാണ്. ഇത്തവണ തെരഞ്ഞെടുപ്പില്‍ മുകേഷ് മത്സരിച്ചിരുന്നില്ല.
