കൊച്ചി: കേരള ഹൈക്കോടതിയിലെ സര്ക്കാര് അഭിഭാഷകരുടെ എണ്ണം വര്ദ്ധിപ്പിച്ച് സര്ക്കാര് ഉത്തരവ്. അധികമായി 11 പുതിയ തസ്തികയാണ് സൃഷ്ടിച്ചത്. മൂന്ന് സ്പെഷ്യല് പ്ലീഡര്മാര്, നാല് സീനിയര് ഗവണ്മെന്റ് പ്ലീഡര്, അഞ്ച് ഗവണ്മെന്റ് പ്ലീഡര് തസ്തികയാണ് അധികമായി സൃഷ്ടിച്ചത്. ഒരു വര്ഷത്തേക്കാണ് പുതിയ താല്കാലിക നിയമനം.പിന്നീട് ഇത് സ്ഥിരപ്പെടുത്തുകയോ ദീര്ഘിപ്പിക്കുകയോ ചെയ്യുമെന്നും ഉത്തരവിലുണ്ട്.
എജി യുടെ ആവശ്യപ്രകാരമാണ് നടപടി.ജഡ്ജിമാരുടെ എണ്ണം കൂടിയതും കേസുകളുടെ ബാഹുല്യവും കാരണം കൂടുതല് അഭിഭാഷകരെ നിയമിക്കണമെന്ന് എജി ആവശ്യപ്പെട്ടിരുന്നതായാണ് ഉത്തരവില് പറയുന്നത്.നിലവില് 137 ഗവണ്മെന്റ് പ്ലീഡര്മാര് ഹൈക്കോടതിയിലുണ്ട്.
ഇതോടൊപ്പം,സുപ്രീം കോടതിയിലെ സ്റ്റാന്ഡിംഗ് കൗണ്സില്മാരെ നിയമിച്ചും സര്ക്കാര് ഉത്തരവിറക്കി. ഒരു സീനിയര് സ്റ്റാന്ഡിംഗ് കൗണ്സില് അംഗത്തെയും നാല് സ്റ്റാന്ഡിംഗ് കൗണ്സില്മാരെയുമാണ് നിയമിച്ചത്. എം.ആര്. രമേഷ് ബാബുവാണ് സീനിയര് സ്റ്റാന്ഡിംഗ് കൗണ്സില്.അഭിഭാഷകരായ സുല്ഫിക്കര് അലി, അല്ജോ ജോസഫ്, മര്സൂക്ക് തങ്ങള്, ജെയിംസ് പി തോമസ് എന്നിവരാണ് സ്റ്റാന്ഡിംഗ് കൗണ്സല്മാര്.
