ദല്‍ഹി : ജാമിയ മിലിയ ഇസ്ലാമിയ സര്‍വകലാശാലയില്‍ പിക്കുന്ന മലയാളി വിദ്യാര്‍ഥിനി ,കാണാതായ അഫിയ അയ്യൂബിനെ കണ്ടെത്തി.സുഹൃത്തിന്റെ വീട്ടില്‍ നിന്നാണ് യുവതിയെ കണ്ടെത്തിയത്. യുവതിയെ പൊലീസ് ചോദ്യം ചെയ്യുകയാണ്.
രണ്ടാം വര്‍ഷ എം എ ഇന്റര്‍നാഷണല്‍ റിലേഷന്‍സ് വിദ്യാര്‍ഥിനിയാണ് അഫിയ.ഓഖ്ലയിലെ താമസസ്ഥലത്ത് നിന്ന് കഴിഞ്ഞ രാത്രി പതിനൊന്നരയോടെ മരുന്നു വാങ്ങാന്‍ പുറത്തു പോയ യുവതി മടങ്ങി എത്താതായതോടെയാണ് ഒപ്പം താമസിക്കുന്നവര്‍ പൊലീസില്‍ പരാതിപ്പെട്ടത്.
പൊലീസ് ഇന്ന് താമസസ്ഥലത്ത് എത്തി പരിശോധന നടത്തി. മൊബൈല്‍ ഫോണ്‍ എടുക്കാതെയായിരുന്നു യുവതി പുറത്തു പോയത്. സിസിടിവി കേന്ദ്രീകരിച്ച് പൊലീസ് അന്വേഷണം നടന്നുവരവെയാണ് യുവതിയെ കണ്ടെത്തിയത്.
