നെയ്മറും പിതാവ് നെയ്മര് ഡാ സില്വ സാന്റോസ് സീനിയറും
റിയോ ഡി ജനൈറോ: ലോകകപ്പ് ഫുട്ബോള് പ്രീ ക്വാര്ട്ടറില് നോര്വെയോട് പരാജയപ്പെട്ടതിനു പിന്നാലെ അന്താരാഷ്ട്ര ഫുട്ബോളില്നിന്നു വിരമിക്കാനുള്ള തീരുമാനത്തില്നിന്ന് പിന്മാറണമെന്ന് നെയ്മറോട് ആവശ്യപ്പെട്ടുകൊണ്ട് പി
താവ് നെയ്മര് ഡാ സില്വ സാന്റോസ് സീനിയറിന്റെ വികാരനിര്ഭരമായ കുറിപ്പ്.
മകനേ… ഫുട്ബോള് കളി തുടരൂ. കാലുകള്ക്കടിയില് പന്തുമായി വീണ്ടും സന്തോഷം കണ്ടെത്തൂ. മൈതാനത്ത് വീണ്ടും പുഞ്ചിരിക്കൂ. ഇന്ന് നീ ആരോഗ്യവാനാണ്. നീ എന്നും സ്നേഹിച്ച കാര്യങ്ങള് വീണ്ടും ചെയ്യാനുള്ള മറ്റൊരു അവസരം ദൈവം നിനക്കു നല്കിയിരിക്കുന്നു. ഫുട്ബോള് ആസ്വദിക്കൂ. തീരുമാനങ്ങളുടെയും വിമര്ശനങ്ങളുടെയും പ്രതീക്ഷകളുടെയും ജീവിതം സമ്മാനിച്ച തടസ്സങ്ങളുടെയും ഭാരം ചുമലില് വഹിക്കരുത്. ചില കാര്യങ്ങള് മനുഷ്യരുടെ കൈകളിലായിരിക്കാം. പക്ഷേ ചില തീരുമാനങ്ങള് ദൈവത്തിന്റേത് മാത്രമാണ്. ഭാവി ദൈവത്തിന്റെ കൈകളിലാണ്. ഇന്ന് എടുക്കുന്ന ഒരു തീരുമാനം നിന്റെ മുഴുവന് ജീവിതത്തെയും നിര്വചിക്കുന്നില്ല. ഒരു നിരാശയും ഒരു ജീവിതകാലത്തെ നേട്ടങ്ങളെ മായ്ച്ചുകളയുന്നില്ല. ഇതുവരെ പൂവണിയാത്ത ഒരു സ്വപ്നം മരിച്ചുവെന്ന് അര്ഥമില്ല. ഒരു പ്രയാസകരമായ നിമിഷംകൊണ്ട് ഒരു ജീവിതകഥ അവസാനിക്കുന്നില്ല. നമ്മുടെ ജീവിതത്തിന്റെ അവസാന അധ്യായം എഴുതുന്നത് ദൈവമാണ്. ആരും തുറക്കാനാകാത്ത വാതിലുകള് അവിടുന്ന് തുറന്നു. അസാധ്യമെന്ന് പലരും വിശ്വസിച്ചപ്പോള് അവിടുന്ന് നിന്നെ ഉയര്ത്തി. സന്തോഷകാലത്തും വേദനയുടെ കാലത്തും നമ്മുടെ കുടുംബത്തെ അവിടുന്ന് താങ്ങിനിര്ത്തി. അതുകൊണ്ട് നാളെയെ ഭയപ്പെടേണ്ട.
ഇന്നില് ജീവിക്കാന് പഠിക്കൂ. പരിശീലിക്കൂ, പുഞ്ചിരിക്കൂ, ഫുട്ബോള് കളിക്കൂ, നിന്റെ മക്കളെ ചേര്ത്തുപിടിക്കൂ, നിന്റെ കുടുംബത്തെ സ്നേഹിക്കൂ, ദൈവം നിന്നെ വിളിച്ച മനുഷ്യനായി ജീവിക്കൂ. ബാക്കിയുള്ളതെല്ലാം, ദൈവത്തിന്റെ കൈകളില് സമര്പ്പിക്കൂ.- നെയ്മറുടെ പിതാവ് പറഞ്ഞു.
