ചെന്നൈ: കോടതികളുമായി ബന്ധപ്പെട്ട പബ്ലിക് പ്രോസിക്യൂട്ടര്മാര് അടക്കമുള്ള നിയമനങ്ങള് രാഷ്ട്രീയ പരിഗണനകളേക്കാള് കഴിവ്, നിയമജ്ഞാനം, സത്യസന്ധത എന്നിവയുടെ അടിസ്ഥാനത്തില് വേണമെന്ന് മദ്രാസ് ഹൈക്കോടതി. സംസ്ഥാനത്തെയും ഇരകളെയും കോടതികള്ക്ക് മുന്നില് പ്രതിനിധീകരിക്കുന്നതിലൂടെ, ക്രിമിനല് നീതി നിര്വ്വഹണത്തില് പ്രോസിക്യൂട്ടര്മാരും സര്ക്കാര് നിയമ ഉദ്യോഗസ്ഥരും നിര്ണായക പങ്ക് വഹിക്കുന്നുണ്ടെന്ന് ജസ്റ്റിസ് ബി പുഗലേന്തി നിരീക്ഷിച്ചു.
സംസ്ഥാനത്തെ പ്രതിനിധീകരിക്കാനും കോടതിയെ സഹായിക്കാനും ഏറ്റവും സജ്ജരായവരെ വേണം ഇത്തരം തസ്തികകളില് നിയമിക്കാന്. നീതിന്യായ വ്യവസ്ഥയില് പൊതുജനവിശ്വാസം നിലനിര്ത്തുന്നതിനും കാര്യക്ഷമമായ നിയമ പ്രാതിനിധ്യം ഉറപ്പാക്കുന്നതിനും സുതാര്യവും മെറിറ്റ് അടിസ്ഥാനമാക്കിയുള്ളതുമായ നിയമന പ്രക്രിയ അനിവാര്യമാണെന്ന് കോടതി വിശദീകരിച്ചു.
രാഷ്ട്രീയം മാത്രം നോക്കി പബ്ലിക് പ്രോസിക്യൂട്ടര്മാരെ നിയമിക്കുന്നതിനെതിരെ മദ്രാസ് ഹൈക്കോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.